الخميس، يونيو ١٥، ٢٠٠٦

ماذا لو كان جيفارا مصرى

جيفارا تلك الشخصيه التى تختلف مع معتقداتها لكنك لا تمتلك إلا أن تحترمها وتقدرها بل وتحبها .... فى ذكرى ميلاده تخيلت ماذا لو كان جيفارا مصرى ليس هذا فحسب بل مصرى مباركى يعنى فى عصر مبارك -يا سلام- والله كانت تبقى حاجه عظيمه أوى بس أنا متأكد أنه ماكنش هيبقى جيفارا اسطوره زى ما هو دلوقت لآن ببساطه مصر مافيهاش غير أسطوره واحده هو بابا حوس حوس مبارك لو كان فعلا مصرى كانت أسطورة مبارك هى اللى هتغطى على أسطورة جيفارا وبعدين كمان إحنا عارفين إن بابا حسنى عنيد وجيفارا برده عنيد يعنى مبوم مع مبروم ما يلفش يعنى جيفارا مش هياكل مع حسنى مثلا هنتخيل إن جيفارا حشد ميت ألف مصرى عشان يعمل بيهم مظاهره ببساطه تلاقى مبارك نزلك الشارع مش بـ200 ألف جندى امن دوله إنما نزل لك بالدبابات والمدافع يبقى بالله عليك مين فيهم الأسطوره؟؟ وبعدين جيفارا كان حساس أوى يعنى عندنا مشكله انه كان بيقول (اننى أحس على وجهى بألم كل صفعه توجه للمظلوم فى هذه الدنيا) تخيلوا بقى هيحس بألم كام مظلوم فى مصر ؟؟ يا أخى كفايه يحس بألم الشرقاوى واللى إتعمل فيه

أصل الحكايه إن إحنا مش عايزين عايزين جيفارا واحد لان واحد جيفارا بس ، هيخلص بإحساسه بآلام المصريين خلال ساعتين إنما إحنا عايزين 70 مليون جيفارا.

يا خبر إسود يا بابا حسنى دا أنت جبار أقنعتنى إن مافيش أمل حتى لو عندنا مليون جيفارا (لازم 70 مليون جيفارا). كويس والله إن جيفارا مش مصرى كان زمانه دلوقتى بيجرى على أكل عايشه أو على الأقل عمال يدور على مكان يتفرج فيه على كاس العالم وكان ممكن تكبر فى دماغه ويثور علشان التشفير ولا حاجه.

جيفارا إنت ضربت مثل للمناضل ، النضال مش من فوق ، النضال فى أقل حاره فى وسط البلد فى مصانع ومزارع بين العمال والناس اللى طلعان عينهم ، جيفارا المثل اللى انت ضربته فى النضال هيفضل لحد ماينتهى الظلم فى العالم يعنى ليوم القيامه لان فى الوقت دا بس مش هيكون فيه أى ظالم.

--------------------------------------------------
حاجه مالهاش علاقه بالموضوع بس مهمه جدا يوم السبت القادم بعض المعتقلين هينزلوا النيابه فى مصر الجديده صباحا يا ريت كلنا نكون موجوديين

هناك ١٢ تعليقًا:

غير معرف يقول...

the face of London for ever. in the beating of a black retired Conaty said. the amount of gratitude people had for around for a while.Were going to have

غير معرف يقول...

أخى الفاضل : محمد
السلام عليكم ورحمة الله وبركاته
أسعدنى وشرفنى زيارة مدونتك القيمة والراقية
وأحييك على مشاعرك النبيلة وغيرتك الحميدة علة بلدك مصر
واتمنى لك كل التوفيق

أخى ك لقد قمت بربط مدونتك بمدونتى
وأتمنى منك تشريفى بزيارتك الكريمة
أخوك
محمد الجرايحى
http://mmm1962.jeeran.com/

Mo Eltaher يقول...

Marcjal Noguera
شكرا على تعليقك


محمد الجرايحى
متشكر جدا على الكلام الجميل ده
لكن انا مش عارف ادخل مدونتك لما بدخلها بيظهرلى صفحه بيضاء وبس
شكرا

HANY يقول...

اخى الكريم لا تنظر الى جيفارا بل انظر من خرج خلف جيفارا , وهؤلاء بكل الاحوال لايمكن مقارنتهم بنا فنحن شعب قال لنا حاكمنا انا ربكم الاعلى اننا شعب استخفه حكامه ولكم اود ان يتغير هذا الوضع قريبا وانى عندما انظر الى الاعتصامات والمظاهرات وبعض الاراء فى المدونات اجد انه هناك امل فى نهضة جيل الثوره الحقيقيه من تحت انقاض ركام الاستعباد واكيد مصر بكره احسن

غير معرف يقول...

أخى الفاضل : محمد الطاهر
السلام عليكم ورحمة الله وبركاته
أشكرك على اهتمامك وعموماً هذا هو الرابط ويشرفنى زيارتك
أخوك
محمد

http://mmm1962.jeeran.com/

غير معرف يقول...

مثلا هنتخيل إن جيفارا حشد ميت ألف مصرى عشان يعمل بيهم مظاهره ببساطه تلاقى مبارك نزلك الشارع مش بـ200 ألف جندى امن دوله !!!!!!!!!!


مين ده اللى هيعمل مظاهرة!!!
يا عم الحاج لو جيفارا اصلا عرف يخرج من المعتقل!!!

Mo Eltaher يقول...

Anonymous said..هههههههههههههه

غير معرف يقول...

والله يعم محمد أنا اعتقد ان جيفارا موجود جوا كل واحد فينا بس محتاج دفعه عشان يطلع ويواجه

جيفارا كان مظلوم عشان كده حس بالمظلومين
واحنا مش مظلومين بس دا احنا مقهورين وبنداس بالجزم كمان

يبقى لازم جيفارا يطلع من كل واحد

غير معرف يقول...

شكرا على مدونتك الجميلة
والله مفيدة
صعب ان مصر تخرج واحد زي جيفارا
شخصيته مختلفة تماما عن الانسن المصري الأصيل الطيب الضارب بجذوره ب 7000 سنة في التاريخ
ال عاوز يربى العيال مستحيل ان مصر تخرج جيفارا ولا حتى كاسترو لأن مصر مع احترامى للجميع فيها أزمة رجولة مليانة ذكور لكن الرجالة قليلة
المصري بيبرر كل شيءغلط في حياته عشان يعيش لليوم ال هايموت فيه

غير معرف يقول...

Excellent, love it! » » »

غير معرف يقول...

Wonderful and informative web site. I used information from that site its great. perfume gel health kindergarten lesson plan quelques fleurs aftershaves Cost of liposuction and tummy tucks spokane washington Business class airfare discounted flights borlange dala Ploter plotters perfume aftershaves windaz perfumes halston Used ice slushy machines Digital scouting camera Bath tub replacment bakersfield ca Surveillance supplies model saab 98 lexus 300 Brand names for quit smoking patches Proactiv shop solution Brith of venus shirt

غير معرف يقول...

Very nice site! http://www.refrigeratorsge.info Hsbc visa card costumer service