الأحد، مايو ١٤، ٢٠٠٦

مصر يا أم ..... ولاد أهُم


كنت فى مدونة العداله الاجتماعيه ولفت نظرى شيى جميل جدا ان ابن عبد العزيز جمع صوره للمعتقلين ونشرها وجمعها من وائل عباس الوعى المصرى انا إخترت كام شخص منهم اللى أعرفه معرفه شخصيه ومنهم اللى اعرفه من النت بس ةهحاول اقولكم اتجاه كل شخص فيهم
ده أحمد ماهر حزب الغد و عضو شباب من أجل التغيير بيشتغل مهندس مدنى وبيحب يصمم الكبارى أوى هو صديق شخصى وقريب جدا منى ادعوا له ربنا يفك أسره
محمد الشرقاوى تبع الاشتراكيين الثوريين لما يكون فى المظاهره تلقيها إتقلبت رأسا على عقب محمد أنا قابلته عدة مرات لكن ما اعتقدش إنه يعرفنى لكن على الأقل يعرفنى شكلا
على الفيل حزب الغد شاعر عاميه مالوش حل دايما يطلع المظاهرات ويألف أإنى وشعارفات جميله جداجد على دمه خفيف ومتمكن هو أساسا من البحيره . وساعات بيكتب فى جردة الغد
علاء باشا شيخ المدونين المصريين أنا ما أعرفهوش شخصيا إنما ِشوفته مره فى مظاهرة ذكرى سقوط بغداد وكان معاه زجته منال
مالك. من الاسكندريه حزب الوسط مثال متميز للشاب الناضج فكريا وسياسيا أنا ما أعرفهوش شخصيا لكن شوفته مره فى يوم الطالب العالمى بجامعة القاهره واول ماتشوفه تحس انك عايز تتعرف عليه وتصاحبه

كريم الشاعر ...حزب الغد شوفته أكتر من مره بس مافيش علاقه شخصيه بينى وبينه مش عارف عنه كتير إنما هو شخصيه محترمه

الخميس، مايو ١١، ٢٠٠٦

حسبنا الله ونعم الوكيل ..ولاد الكلب بهدلوا المتظاهرين


وأنا على الوعى المصرى لقيت مظاهرة نقابة لصيادله تقريبا المهم انى لقيت صور فظيعه حرام والله العظيم أنا كنت فعلا جسمى قشعر لما شوفت الصور امن الدوله دول مش بنى أدمين دول بهايم وحيوانات وولاد كلب الله يخرب بيتك يا مبارك ياللى عملت فينا كده حسبنا الله ونعم الوكيل فيك يا مبارك
شوفوا الست بتبص عليهم وبتجرى إزاى؟؟
شوفوا علشان تعرفوا البلاوى

نظرته وتعابير وشه مش هنساها طول عمرى




الأربعاء، مايو ١٠، ٢٠٠٦

عزيزى علاء ... عزيزتى منال


رغم إنى أختلف مع علاء سواء فى إتجاهه فى الدين أو إتجاهه السياسى أيضا أو حتى طريقة وأسلوب
كتابته فى مدونته إلا انى صعقت لما عرفت خبر الإعتقال المشكله يا جماعه علاء دا أنا إحترمت وطنيته جدا جدا لأبعد الحدود سواء هو أو منال........ لما عرفت إن علاء إتخطف صعقت قلت يا نهار أبيض؟؟ دا زمان منال و المدونين قالبين الدنيا وبعدين دخلت النت لاقيت للأسف التجاوب مع علاء ضعيف جدا بالنسبه لحجمه فى التدوين .
على فكره يا جماعه كون إن علاء مش مؤمن بربنا مش مبرر إننا نطالب بالأفراج عنه هو وزميله ....... إحنا بنطالب بالافراج عنه علشان هو إعتقل ظلم فى ظل حكومتنا بنت الكلب الراشده بزعامة العسكرى الاسود مبارك. أعتقل علشان بيقول يا ولا الـ ....... سيبوا البلد فى حالها . وإفرجوا عن المعتقلين يا كلاب
مستنيينك يا علاء ترجع لمدونتك وماتزعليش يامنال بكره علاء يرجعلك أقوى من الأول.

الأحد، مايو ٠٧، ٢٠٠٦

محمد الشرقاوى يرسل مقاله من سجنه بطره (إقرأها الآن

محمد الشرقاوى ( اشتراكيين ثوريين) أحد أنشط أعضاء شباب من اجل التغيير والمعتقل بطره ضمن اعتصام القضاه يرسل لكم هذه المقال من محبسه :

اين انت من كل ما يحدث لي ، اين من تقولين عنهم بأنهم اولادك الاوفياء..المخلصين الذين بحق يشعرون بآلامك و آلام من حولك. نخرج و نرفض ما يحدث لك ، نعلن بكل السبل أننا سنظل معك .. سنظل لك و لكل من يتمتعون بقرب منك أوفياء ، و لكن نجد من يقابلنا بأننا مغرضون ، فاسدون ، متملقون . أعلم يقينا بداخلي أنني و من معي على حق ، و بأننا لا نقول إلا ما سيحقق لك كل شئ أفضل ،موقن أيضا بأن كل ما نعانيه و سنعاني منه في المستقبل القريب أو البعيد - على حد سواء - هو ضريبة الانتماء إليك .. هو ثمن الحب المقدم مننا إليك.و لكن ..
لنا كل الحق أن يتسرب اليأس إلينا و يسكن بداخلنا ، و أن يقتلنا كذلك و ان يكسر ما تبقى لنا من عزه و وشعور بالقوه .و لكننا و نحن نغالب دموع تسيل بداخلنا نرفض اليأس ، نرفض أن نكرهك، نرفض أن نلومك انت ، و حتى أبنائك ممن يكتفون بالمشاهده من بعيد لا نلومهم رجاؤنا ان تبقي لنا.. أن تشعري بمقدار ما أكنه لك و بمقدار حب كلمن هم مثلي و يفوقوني .. أن تقدري كل تضحياتهم ، و ان تتذكريهم ايضا. يبقى سؤال واحد و اغفريه لي!! أين انت من كل ما يحدث لك و لنا ؟؟

محمد الشرقاوي
سجن طره زنزانة 16/ب
السبت 29/4/2006

و تبقى عنها كلمةأماني
أماني تسكنني .. و هي كل ما تبقى لي بداخلي ... تسكنني و تقويني من أجل ان احتمل كل ما يحدث لي و لزملائي .أماني تسكنني من أجل غد أفضل..
أماني : نور سيضئ لنا هذا الحاضر المظلم..

أماني بحضن أمي الدافئ - كما يقولون في عائلتي الصغيرة - و التي لمأعرف طعمها حتى الآن...
أماني بعيناها التي أسرتني منذ رأيتها ..
أماني بمصر أحلى ..
أماني أعلم انني من المستحيل ان أحصل عليها...و لكن أماني تسكنني .. و يا ليتني أستطيع ان اسكن فيها
ـ قال لأحمد الدروبي : "كل ام و اب مصريين هما أبوك و أمك "
هكذا نطق عماد .. سوداني الجنسية قضى عقوبة عشر سنوات في السجون
المصرية.
كلمات و نظرات أحمد الدروبي و تشجيعه و معاملتة التي لا استطيع و
صفها هونا كثيرا من المشاعر السيئة و السلبية التي شعرت بها.

و لكن ...

صعب جدا أن تفقد حتى كلام أهلك الإستفزازي في أحيان كثيره من نوعية
- احنا مالنا ... احنا مش هنغير الكون -

برغم هذا كله ...

إلا انني كنت بالفعل أعاني من دموع مكبوتة .. لا استطيع البوح بها و
السماح لها بأن تسيل أمام الشقيق أحمد ماهر ... حتى لا أضعف من معنوياتة.

لم أرى لا أهلي ولم أسمع أي خبر عنهم او منهم..
و لكن ...
يبقى رفيقا الزنزانة ( الدروبي - ماهر ) تحملا الكثير مني .
و أهل الدروبي بشكل أكبر هم من كانوا يسألون عننا بإستمرار و يعتنوا
بثلاثتنا دون تفرقه.


خالد عبد الحميد : هل تكفي كلمة أنني بالفعل أحبك و أفتقد ضحكتك و
لكن لك شبيه معنا بالزنزانة و نناديه جميعنا - خالد يا عبد الحميد -


سلمى : شكرا لكل شئ ..
ظهورك و كلماتك طمأنتنا جدا

أسماء : خبر سعيد عرفته عنك و اتمنى ان يكتمل
بحبك - و وحشتيني جدا

هاني عنان : تعلم انني أفتقد الأب في حياتي و لكني افتقدك انت ايضا

ضياء الصاوي : شكرا لأجل كلماتك و شعورك .
و يبقى أخ عزيز جدا و مقربا لي

**ملحوظة :

أجدني و لأول مره أتوجه بالشكر لكلاب الداخلية و قد ساهموا بحق في
منحي شرف سأظل احكي عنه كثيرا ...

أول مره حبس كانت مع المناضل العظيم ""كمال خليل"".

لا .. ليس هو فقط

وائل خليل : صديق بدرجة أستاذ لي.

ابراهيم الصحاري - ساهر جاد - و المناضل أشرف ابراهيم .... و زملاء
آخرين

كل هؤلاء معي في أول حبس لي - كما نقول - و قبلهم أحمد الدروبي و
بعدهم أحمد ماهر-

أرجو نشر ما كتبتة كرسالة مني

محمد الشرقاوي

سجن طره زنزانة 16/ب

السبت، مايو ٠٦، ٢٠٠٦

على الفيل من سجن طره يكتب قصيده جديده (يا حاكمنا يا خنتريش).

مفاجأه على الفيل يكتب لكم قصديه من سجن طره (احد معتقلى اعتصام القضاه)على احد أعضاء حزب الغد الناشطين ومسؤال لجنة الأدب فى أمانة شباب حزب الغد
حصلت على هذه القصيده من شقيق أحمد (احد المعتقلين) شكرا يا مصطفى.


أعلن اللإضراب شباب

ليه يا ظلم.. العدل غاب

ليه بلدنا بقت خراب

حب الوطن ..تحيه شباب

جاي بكره .. يوم حساب

النظام شايخ و خاب

يا بلد لمي الكلاب

ولإمتى يحكمنا غراب

يا سجين داق العذاب

قالوا للخوف ألف باب

و اللي خاف نام فالتراب

ليه عيشتنا بقت هباب

اصرخ بعزمك يا برئ

إحنا عارفين الطريق

صاحب الحق .. جرئ

خليك معايا يا صديق

البلد عايشة ف ضيق

و البحر يا بلد .. غريق

أحلف اني مخنتكيش


لو هموت بلدي تعيش

يا بلدنا .. متخافيش

يا بلد محكوم بجيش

يا حاكمنا يا خنتريش



كلمات/ على الفيل


5/5/2006

سجن تحقيق طره

الأربعاء، مايو ٠٣، ٢٠٠٦

الوصيا العشر لـ(سوء سوء)....محض خيال واخد على قفاه

سوء سوء يلقى الوصايا العشر لمجندينه قبل إقتحام إعتصام المتضامنين مع القضاه

* فى الإعتصام هتقابلوا ناس بتقول يسقط حسنى مبارك وكلام إبن (............ كده)، امسكوهم وطلعوا (............ أمهم) وخدوهم عى القسم وإعملوا معاهم الواجب.

* لو جالك واحد بتاع حقوق إنسان وقالك أنا أعترض ومش عارف ايه ، قوله ( ........... أمك) ، وخده من قفاه وحطه فى البوكس وإعمله زى ما عملت مع بتوع يسقط مبارك.

* بتوع الأحزاب اللى فى المظاهرات لما يطلعلك كرنيه الحزب ويقول لك أنا حزب شرعى معترف بيه إديله فـ(......... ) وإسحبه على القسم.

* لما أى حد يعمل أى حاجه وماتعجبناش يبقى مختل واللى مايصدقش يروح لصحابه فى امن الدوله.

* اللى يقول لك انه عايز مصلحة مصر والكلام إبن الـ(...........) ده ، نفض لأمه وإرميه فى البوكس.

* الصحفيين اللى فى المظاهرات لو رجاله خدوا كميراتهم ولو بنات إغتصبوهم.

* بتوع كفايه بدل ما يقولوا كفايه فساد وإستبداد عايزهم يقولوا كفايه سحل وإغتصاب.

* القضاه ماحدش يضربهم ولو حكمت يبقى كام شلوت على كام قلم وخلاص علشان ينسى انه قاضى وكلام بتاعهم ده

* بتوع الإخوان وبتوع أيمن نور يتعلقوا من (...................) وماحدش يعرف لهم طريق جره وإرمهم فى اى دهيه

* آخر حاجه بوصيكم بيها انكم تسحلوا تضربوا وتعلقوا وتغتصبوا أى حد يقول لا

الثلاثاء، مايو ٠٢، ٢٠٠٦

لك الله يا مالك



انا ما أعرفش مالك معرفه شخصيه ، لكن لما كنت فى يوم الطالب بجامعة القاهره لقيت واحد كده بشوش جدا و كله حماس و تشوفه تحب إنك تتعرف عليه ، وفعلا كان نفسى اتعرف عليه لكن للأسف مالقيتش حد من أصحابى يعرفه علشان يعرفنى عليه.
سألت عنه قالوا دا من الإشتراكيين وبعدين لما أعتقل استغربت انه حزب الوسط وصعقت لما عرفت ان مالكوم اكس هو مالك مصطفى لانى ما كنتش اعرف الحكايه دى الا بعد ما اعتقل بكام يوم.

لك الله يا مالك ...... حسبنا الله ونعم الوكيل

العمل السياسى فى مصر لعب عيال

انا إكتشفت حاجه عجيبه جدا . إن السياسه فى مصر لعب عيال فعلا لعب عيال عارفين ليه؟؟ لان لما يكون فى مظاهره علشان أيمن نور ولا علشان كارثه من الكوارث بتاعتهم وتلاقى مثلا فى المظاهره 50 واحد تلاقى الأمن بيحجمهم وبس إنما ما بيخدش حد منهم ولا أى حاجه من دى . ولما يكون فيه حاجه جامده زى القضاه كده يبقى اى حد هيتكلم هيتعلق وما حدش هيعرف له طريق جره يعنى المظاهرات - والكلام لكفايه والغد - اللى انتم بتملوها مهياش زى ما انتوا فاكرين الامن سايبكم لان مافيش منكم خطوره إنما لو حس ان فيه خطوره ولو واحد فى الميه هتلاقى اكتر من اللى حصل فى الاعتصام. . بس ده شيىء مش هيطول نهايتكم قربت . بكره العيال دول هيغيروا مصر كلها وغيروكم معاها . بكره هما اللى يتقال عليهم مصريين ،/ مصريين بجد مش اى مصريين. إظاهر العيال دى كبرت وهما مش واخدين بالهم مش بس كده لا وبينادوا بالثوره .