الأربعاء، يونيو 21، 2006

الإسلام وحقوق المواطن


كثيرا ما أجد من يهاجم الإسلام متهما إياه بأنه لم يحمى حقوق المواطنين أو عامل أصحاب الديانات الآخرى بقسوه ، وربما ظهر فى مصر عدة إلتباسات حلول حقوق الأقباط فى ظل دوله تحكم بالشريعه الإسلاميه وغالبا ما تتركز التساؤلات حول الجزيه وقانون بناء دورر العباده والوظائف العامه و هل يسمح لهم بشرب الخمر ولحم الخنزير أم لا .

أردت أن أكون رأى شخصى لى عن النقاط السابقه بحثت على الإنترنت وفى الكتب وقرأت أكثر من مقال لعدد من الكتاب وأكثر من فتوى للشيوخ الموثوق فيهم وعموما وجدت أفضل من تكلموا فى هذا الموضوع د/ محمد سليم العوا و د/يوسف القرضاوى

الجزيه:

كثيرا ما نسمع أن الجزيه فرضت نظير حماية المسلمين لغير المسلمين وهذه الفكره التى تعطى صوره سيئه للمسلمين لا توجد عليها أى أدله ولو نظرنا إلى مسألة الجزيه من حيث توقيت دفعها أو قيمتها مع النظر لبعض المواقف التى إمتنع فيهاالصحابه عن أخذ الجزيه نجد أنها فى الأساس ضريبه يدفعها غير المسلم نظير عدم إشتراكه فى الجهاد- بأى حق نحمل غير المسلم على الجهاد؟؟- أو حتى الدفاع عن البلد التى فتحها المسلمين ، أيضا وكأنها ضريبه يدفعا غير المسلم كما يدفع المسلم الزكاه ،والجزيه قيمتها كانت بين دينارين ودرهمين تأخذ مره واحده فى السنه وقيمتها كانت لتجهيز جيش المسلمين ، ويعفى منها الشيخ والطفل والمرآه والغير قادر على دفعها إذن هى بديلا للجهاد حيث أن الجزيه تأخذ مره واحده فى العام فقط كما الجهاد

هل تفرض الجزيه على الأقباط الآن؟؟

الرجعيون الإسلاميون ينادون بدفع الجزيه -بالنسبه للأقباط - ويستندون فى مطلبهم إلى أن دخولهم فى الجيش مخالفا للأسلام وأن عليهم ترك الجيش ودفع الجزيه ، ولكنهم هنا يتجاهلون المقصد من عدم دخول غير المسلمين الجيش - فى عصر الفتوحات الإسلاميه - أن ولاءهم سيكون لغير المسلمين ، ولكن هل الآن هل تنطبق هذه القاعده على الأقباط؟؟

الإسلام أمرنا بحسن معاملة أهل الزمه وخصوصا أقباط مصر ، فقد صاهرهم النبى (ص) وأوصى بهم فى أكثر من موقف ، قال رسول الله (ص): اذا فتح الله عليكم مصر,فاتخذوا فيها جندا كثيرا ,فذلك الجند خير اجناد الارض ,فقال ابو بكر ولم يا رسول الله ؟ قال: لانهم وازواجهم فى رباط الى يوم القيامه. أيضا قال رسول الله(ص) :اذا فتح الله عليكم مصر فاستوصوا بأهلها خيرا فان لهم مودة ورحما.أيضا قال (ص): الله الله فى قبط مصر فإنكم ستظهرون عليهم ويكونوا لكم عده وأعوانا فى سبيل الله

عندما فتح سيدنا عبيدة بن الجراح بلاد الجراكمه وبعد أن عرض عليهم سيدنا سعد الإسلام أو الجزيه تشاورا فيما بينهم وقالوا لسيدنا سعد : لماذا ندفع الجزيه فقال سيدنا سعد لانكم لن تشتركوا معنا فى الحروب فقالوا له كيف ستنتصرون على الروم بدوننا ونحن أعلم بهذه المناطق من جبال وطرق لن تعرفوها بدوننا وبالفعل جعلهم سيدنا سعد عيونا له وأدله . أيضا هناك حادثه
آخرى فى أحد الحروب ضد الفرس وجد المسلمون قوما عندهم شجاعه وقوه وعندما فتح المسلمون بلادهم قالوا للمسلمين نريد أن نحارب معكم لانكم عادلون وطيبون فقال قائد المسلمين : من حارب معنا لا يدفع الجزيه.من الموقفين السابقين نجد أن الجزيه يمكن أن يعفى منها قوما نظير ولائهم أو مساعدتهم للجيش الإسلامى من الموقفين السابقين ومن أحدايث النبى (ص) نستطيع أن نقول أن أقباط مصر من حقهم الدفاع مع المسلمين عن وطنهم ودخول الجيش فهذا لا يمنعه الإسلام ولم يمنعه الصحابه فكيف لنا أن نمنعهم من حقهم بإسم
الإسلام وهو برىء من ذلك؟؟؟

بناء دور العباده؟؟

بعض الفقهاء أفتوا بتحريم بناء الكنائس وبعضهم حلله ولكن لنرى لماذا هذا الإختلاف؟ هذا الإختلاف يرجع إلى المحافظه على مشاعر المسلمين وحرمة دينهم ولكن من فقهاء المسلمين من أجاز بناء الكنائس لأهل الكتاب وغيرها من المعابد إذا أذن لهم إمام المسلمين وبالفعل فقد بنى فى القرن الهجرى الأول كنيسة مارمرقص بالاسكندريه أيضا بنيت كنيسه آخرى فى الفسطاط وثالثه فى حلوان وسمح ببناء ديرين لرهبان. وعموما بالنسبه للأماكن التى لا يوجد بها مسلمين أساسا وخاضعه لحكم إسلامى فلا مانع من أظهار شعائرهم بأى طريقه يريدونها أيضا يمكنهم بناء أو تحديث كنيسه . إذن الإسلام لم يمنع بناء الكنائس ولكن بشروط وتكون هناك حاجه لهذه الكنيسه

وفي عهد عمر بن الخطاب إلى أهل إيلياء (القدس) نص على حُريتهم الدينية، وحرمة معابدهم وشعائرهم: "هذا ما أعطى
عبد الله عمر أمير المؤمنين أهل إيلياء من الأمان: أعطاهم أمانًا لأنفسهم وأموالهم وكنائسهم وصلبانهم وسائر ملَّتها، لا تُسكن كنائسهم، ولا تُهدم ولا ينتقص منها، ولا من حيزها، ولا من صليبها، ولا من شيء من أموالهم، ولا يُكرهون على دينهم، ولا يُضار
أحد منهم. ولا يسكن بإيلياء معهم أحد من اليهود

وفي عهد خالد بن الوليد لأهل عانات: "ولهم أن يضربوا نواقيسهم في أي ساعة شاءوا من ليل أو نهار، إلا في أوقات الصلاة، وأن
يخرجوا الصلبان في أيام عيدهم

الوظائف العامه

حق غير المسلمين فى المشاركه فى نظام الحكم مشروع ولا يحرمه الإسلام ومن ينادون بإبعادهم عن وظائف مثل التمثيل النيابى فلينظروا للموقف بنظره آخرى فالمجالس النيابيه تعبر عن مطالب المواطنين ومن حق هؤلاء غير المسلمين أن يعبروا عن مطالبهم مادامت مشروعه وقد أجاز المسلمين فى عصور مختلفه أن يتولى غير المسلمين من أهل الكتاب بعض المناصب بل وكان هناك الكثير من الوزراء غير المسلمين فى عصر الدوله العباسيه ولم يعترض العلماء المسلمين على توليتهم لهذه المناصب إلا إذا طغوا تجبروا على المسلمين ومن يقول أن توليتهم لهذه المناصب حرام ويذكر : لا ولايه لكافر على مسلم . نرد عليهم :( المسلمين هم الذين ولوهم لهذا المنصب بمقتضى توجيهات دينهم فهم أولياء فى وزاراتهم أو ولاياتهم ولكن تحت الولايه العامه للمسلمين.......فتوى معاصره : يوسف القرضاوى)

لحم الخنزير وشرب الخمر:

المعروف أن الإسلام حرم شرب الخمر وحرم أكل لحم الخنزير ولكن هل تفرض الدوله الإسلاميه على غير المسلمين أن يمتنعوا عن شرب الخمر وأكل الخنزير؟؟ بالطبع لا لان الإسلام لا يتدخل فى أمور الأحوال الشخصيه والحلال والحرام لغير المسلمين . ثم إن الإسلام سمح بأداء غير المسلمون لشعائرهم الدينيه فكيف يمنع غير المسلمين أن يأكلوا ما حلله لهم دينهم؟

هناك 31 تعليقًا:

غير معرف يقول...

ليا تعليقان الاول: ذكرت ان بناء الكنائس لابد ان يكون بشروط وعند الحاجة ولم تذكر هذه الشروط واريد ان اعرف اصلا لماذا الشروط ومن انتم حتى تضعوا الشروط على حرية البشر فى بناء دور العبادة واذا كان هناك قانون ينظم ذلك فليطبق على الكنائس والجوامع هذا هو العدل كما اراه
ثانياً: ارى انك توخيت الحذر فى ولاية غير المسلمين حتى تتماشى مع مبدأ لا ولاية لغير المسلم على المسلم ولكن الا ترى ان هذا المبدأ فى حد ذاته هو خطأ ولماذا لا ولاية لغير المسلم لماذا لا يكون المعيار هو الكفاءة والوطنية فقط الا ترى فى هذا المبدأ نوع من التعصب عل اساس الدين

محمد الطاهر يقول...

بالنسبه لبناء الكنائس فدى مش مسألة حجر على حرية البشر لكن لمراعاة مشاعر المسلمين وبعدين انا مقتنع ان ممكن اى مسيحى يبنى كنيسه مدام المكان محتاج لكنيسه و الشرط الوحيد المهم فى الموضوع ده إن البلد او المكان يكون محتاج كنيسه أمال يعنى الاقباط تصلى فين؟

أولا انا بتكلم فى ظل دوله حكمها اسلامى يبقى اكيد مش هتجيب واحد مسيحى ويبقى امير المؤمنين؟؟ ازاى واحد مسيحى يطبق الحدود مثلا؟؟؟؟؟

غير معرف يقول...

not building churches just in order not to hurt muslims feelings !!!!! LOL
you are a pathetic Looser

محمد الطاهر يقول...

Anonymous
للأسف مش فاهم تقصد ايه الانجليزى بتاعى تعبان اوى

غير معرف يقول...

حلو اوى ان احنا وصلنا لموضوع الحكم الاسلامى اللى انا شايف انه ده ظلم كبير للاقباط واول مظاهر الظلم ده هوانك منعت اى مسيحى مثلا من تولى الحكم وده معناه انك بتعامله كأنه مواطن درجة تانية وانك نزعت منه ميزة معينة والميزه دى موجوده عند المسلم وده مش عدل وطبعا دى مش الميزة الوحيدة اللى حتتنزع من المسيحيين يعنى لو طبقنا الحد يبقى اى واحد مسلم يحب يبقى مسيحى حيتقتل قصدى اقول انك فى الاخر حتلاقى ان فعلا المسيحى فى ظل الحكم الاسلامى اصبح مواطن درجه تانية وانا ماعنديش غير الجنسية المصرية وبلدى هى مصر اتولدت هنا وعشت هنا وهى دى بلدى زى ما هى بلدك يبقى زى ماانت ليك حقوق انا كمان ليا نفس الحقوق بالظبط

غير معرف يقول...

نقطة تانية احب اكلمك فيها انت بتقول ان بالنسبة لبناء الكنائس بتقول لمراعاةمشاعر المسلمين السؤال ايه اللى حيأذى مشاعر المسلمبن فى بناء كنيسة ولوطبقنا المبدأ بالعكس معنى كده ان كل جامع بيأذى مشاعر المسيحيين النقطة هى انك ماينفعشش تفكر من جنب واحد بس لازم لما تحط مبدأ يعم على كل المواطنين هو ده العدل

محمد الطاهر يقول...

انت بتقول
واول مظاهر الظلم ده هوانك منعت اى مسيحى مثلا من تولى الحكم وده معناه انك بتعامله كأنه مواطن درجة تانية


انا بقول لك انه من حقه يتولى اى منصب بشرط انه يكون يستحق المنصب دا ... انا قلت كده راجل الكلام اللى انا قلته تانى
-----------------------
فعلا المفروض ان يكون المسيحى زى المسلم فحقوقه وواجباته علشان كده القاعده الاسلاميه بتقول :
لهم مالنا وعليهم ماعلينا
عايز ايه تانى؟؟
-----------------------
اظاهر انت مش واخد بالك من اى كلام انا بقوله
يا عزيزى انا كنت بوضح ليه فى إختلاف على بناء الكنائس وقلت ان مافيش مانع ان الكنايس تتبنى طالما العدد لا يكفى
انت عايز افهمك ازاى تانى؟؟

محمد الطاهر يقول...

يا ريت تقرأ الموضوع من القول والردود كمان علشان تفهم كويس اللى اقصده

ahmed hussein يقول...

احب احييك جدا على هذا الموضوع ورغم اني اختلف معاك في حاجات الا اني حاسيبك ترد على الناس دي الاول

بصراحة مجهود رائع ورأي اكثر من رائع

محمد الطاهر يقول...

شكرا يا احمد حسن
يا ريت تسأل على الأقل نصحى المدونه شويه

Yasser يقول...

انا اححيك يا محمد على الموضوع وان كان هناك برضو اختلاف معاك شوية في بعض النقاط
لكن في نفس الوقت انا بعتب على الاخوة النصارى اللي دخلو وردو وهم متخفيين
انا مش عاوز اقول خايفين او حاجة لكن انا شايف ان الموضوع مش حرب او شتيمة دي مناقشة بهدوء ومافيهاش تعصبات زي اللي بتحصل في اماكن تانية

محمد الطاهر يقول...

ياسر
أولا شكرا على زيارتك لمدونتى
ثانيا : يا ريت تعرض النقاط اللى انت إختلفت معايا فيها
شكرا مره تانيه

قبطى يقول...

عملت ايه فى الامتحانات؟
يا ريت تكون كويس
انا عايز اعرف انت قريت الاعلان العالمى لحقوق الانسان؟
هل المسلم والمسيحى يستويان فى الحقوق؟
يعنى مثلا لما يجى واحد مسلم يبنى مسجد لازم نراعى الا يؤذى مشاعر المسيحين ؟
انت راجل متعلمز هل تعرف ما هى الفاشيه؟
بتقول باستنكار بجح ازاى واحد مسيحى يبقى امير المؤمنين ؟اذا انت تريد دولة فاشية تميز بين المواطنين على اساس المعتقد وتقصى شريحة من المجتمع لمجرد انهم احتفظوا بهويتهم فى مواجهة الغزو الاسلامى

قبطى يقول...

نرجع لاصل الموضوع
انا وانت اتناقشنا فى الموضوع ده قبل كده ومردتش عليا رد واضح فانا هاسألك تانى
اّذا كانت الجزيه يدفعها غير المسلمين للمسلمين نظير حمايتهم طب ليه يدفعوها وهم صاغرون (اى ازلاء محتقرون
حسب النص القرانى
راجع تفسير ابن كثير للايه
وليه لو مادفعوش الجزيه اقتلهم؟
وما الفرق بين هذا وبين البلطجى اللى دخل الشارع وطلب اتاوة وقال يا الدفع يا القتل ؟

قبطى يقول...

انت قريت اية الجزيه؟
الايه واضحه وضوح الشمس
هاحاول ابسط الايه عشان تفهم
لاحظ ترتيب الالفاظ فى الايه
قاتلوا ثم يعطوا الجزية ثم وهم صاغرون
كيف تقاتل من تريد ان تحميه وتطلب منه مقابل الحمايه؟
الموضوع سهل خالص
المسلم يقول يا تدفع الجزيه يا اقتلك فالمسكين يضطر يدفعها حتى يحمى حياته من المسلم مش من غيره
قال رسولك
امرت ان اقاتل الناس حتى يشهدوا ان لا اله الا الله وان محمد رسول الله فان قالوها عصموا منى دماءهم واموالهم ونساءهم

محمد الطاهر يقول...

أولا شكرا جدا على كلمة بجح دى
طبعا قرأت الإعلان العالمى لحقوق الانسان ومش شايف فيه اى تمييز بين مسلم ومسيحى

حاول تقرأ ردودى علشان تفهم انا ايه اللى اقصده انا اقصد ان اللى بينادى بعدم بناء كنائس بتبقى دى حكمته


انا مش بجح وحكاية امير المؤمنين اقصد بيها ازاى واحد مش مسلم ومش معتقد فى الشريعه الاسلاميه وبعدين ييجى يطبقها دا على اساس ان فيه دوله اسلاميه سليمه وسطيه

اعرف الفاشيه ومش دا اللى اقصده على فكره دى عاشر مره تسألنى عن الفاشيه

يا ريت تنتقى الفاظك اعتقد انى ما غلطش فى المسيحيه يا ريت برده تكون كلماتك تعبر عن رأيك فى اطار انك بتتكلم عن دينى

حاجه تانيه اى شيىء فى داخلى احس انه لا يتفق مع الاسلام هرفضه حتى لو كانت بعض من قواعد الاعلان العالمى لحقوق الانسان لكن انا مش شايف ان حقوق الانسان ضد الاسلام وممكن نتناقش فى الحكايه دى بس مش هنا واوعدك ببوسط حامل عن حقوق الانسان والاسلام .

بالنسبه لحكاية الجزيه فانت لو قريت الموضوع تانى هتفهم ايه وجهة مظرى للجزيه يا عزيزى انت كده بتجادل من اجل المجلدله ومره تانيه اختار كلماتك وعبر عن رأيك فى اطار ان بتتكلم عن دين


يا عزيزى الجزيه دى كانت مثل الضرائب يا ابنى أقرأ الموضوع تانى انا قايل وجهة ظرى فى الحكايه دى
وبعدين انت كده بتخرج من هدف الموضوع الاساسى اللى هو رؤيتى للحياه السياسيه فى ظل دوله اسلاميه اعتقد انى وضحت ان الجزيه مش هتدفع وان الكنائس لازم تكون كافيه لعدد الاقباط ولا انت بتجادل وخلاص؟؟

للاسف انا مش هسمح لا ليك ولا لأى حد انه يتطاول على دين وقبل كده مسحت كلام شخص غبى سب فى العقيده المسيحه علشان كده انا همسح بعض رددودك وارجو انك تعذرنى وعموما انا هسيب ردودك اللى فيها اسأله

يا ريت تفهم حاجه مهمه البلوج دا سياسى مش دينى يعنى ماتخرجش على الموضوع وتخليها زى البالتوك لان هو هو الكلام اللى بيتقال فى البال توك حاول تكون موضوعى أ:تر وتجوبنى على السؤال دا
الكلام اللى كاتبته بيح فى الموضوع الاصلى بيحقق مطالب المسيحيين ولا لا؟؟

محمد الطاهر يقول...

عايز أكد عليك فى حاجه اللى انت بتقول له دا مالوش علاقه بالموضوع انا بتكلم ان لو دوله اسلاميه قامت فى مصر هيكون ايه موقفها من الاقباط انما اللى انت قلته فى ردودك سب علنى مش تعبير عن رأى وماتنساش تجاوب على سؤالى
الكلام اللى انا قلته بيحقق مطالب المسيحيين ولا لا؟؟؟
وخليك فاكر انى قلت ان رئيس الدوله فيه ناس بتقول انه ممكن يكون غير مسلم لان دى مش امامه كبرى لان الامامه الكبرى بتكون فى الخلافه الاسلاميه ومافيش خلافه اسلاميه حاليا.
تمام؟؟
يا ريت تستخدم الفاظ كويسه ما اتعتقدش انى فى المدونه كلها اتكلمت على الدين المسيحى ب او اى دين آخر بإسلوب مش كويس

محمد الطاهر يقول...

عايز أكد عليك فى حاجه اللى انت بتقول له دا مالوش علاقه بالموضوع انا بتكلم ان لو دوله اسلاميه قامت فى مصر هيكون ايه موقفها من الاقباط انما اللى انت قلته فى ردودك سب علنى مش تعبير عن رأى وماتنساش تجاوب على سؤالى
الكلام اللى انا قلته بيحقق مطالب المسيحيين ولا لا؟؟؟
وخليك فاكر انى قلت ان رئيس الدوله فيه ناس بتقول انه ممكن يكون غير مسلم لان دى مش امامه كبرى لان الامامه الكبرى بتكون فى الخلافه الاسلاميه ومافيش خلافه اسلاميه حاليا.
تمام؟؟
يا ريت تستخدم الفاظ كويسه ما اتعتقدش انى فى المدونه كلها اتكلمت على الدين المسيحى ب او اى دين آخر بإسلوب مش كويس

قبطى يقول...

يامحمد انا شايف انك ابتديت تغضب من كلامى
انا مش غاوى تتضيع وقت انا على فكرة مشغول طول اليوم وبلاقى وقت بالعافية علشان اكلمك
كلمة اسلام ومشتقاتها وردت فى مقالك 52 مرة وتقوللى بعد كدة انه سياسى مش دينى؟
هو انت تعجن الدين بالسياسة ولما اعارض رأيك يبقا بتهكم على الدين؟
طب انت راجل لا عنفى طيب لما يبقى فيه دولة فاشية اسلامية وقلت ان الدولة دى اساسهاغلط شوف بقا هيعملوا فييا ايه
التيار الاسلامى لايريد ان يتنزال عن شىء فهو يرى انه يطالب بحقوق الله وحقوق الله لايمكن ان يتنازل عنها
اساس السياسه هى المرونه فى المطالبه بالحقوق احنا كاقباط عايزين حقوقنا كبنى ادمين والاسلاميين يريدون حقوق الههم
طيب نتفق
احنا مناخدش حقوقنا كلها والهك مايخدش اللى بيطالب بيه كله
طبعا ده مش هايحصل لان زى ما قلت المساومه على حقوق الاله غير وارده
انت قلت بنفسك لو حقوق الانسان المتعارف عليها تعارضت مع اسلامك فطظ فى حقوق الاتسان
هو انا كل ما ارد تقوللى انت مقريتش المقال او مقرتش الردوداو انت مافهمتش قصدى؟ يا عم انا بعرف اقرا كويس
يبقى المشكلة عندك انت فى توصيل رأيك

بجح تعنى الجرأة فى المجاهرة بالخطأ
سلام

قبطى يقول...

الجواب على سؤالك هو لا
مطالب الاقباط هى المساواة الكاملة بينهم وبين المسلمين فى دولة تحترم حقوق الانسان

قبطى يقول...

يا محمد انت متمسكش المصحف وتحاول تتضربنى بيه وبعد لما اخده منك وارميه فى الارض يبقا اهنت دينك
تيجى ازاى ؟لا تستخدم الدين اى دين اشلامى مسيحى هندوسى فى صراعك السياسى مع خصومك السياسيين
انا لا ادعو الى فصل الدين عن الحياة بل الى فصل الدين عن الدولة
الدولة كيان اعتبارى
اسأل الارض دينك ايه لو ردت عليك وقالت مسلمه يا عم انا هاوافق على كل اللى بتقوله وهاكون مسلم متطرف كمان

محمد الطاهر يقول...

يا سيد قبطى انا مامسكتش المصحف وضربتك بيه بالعكس انا هدفى اساسا من المدونه دى انى اربط بين اللى انتجه العقل البشرى و الدين
بمعنى ان اللى انا كتابته فى المدونه الاسلام وحقوق المواطنه بحاول اقول ان الاسلام مش زى ما انت فاكر لا بالعكس دا بيحترم المواطن جدا جدا
بص انا بلاحظ انك بتخرج عن الموضوع كتير جدا وبتحاول انك تزم فى الاسلام وبس مع ان انا عمرى فى حياتى مازميت فى اى دين فى المدونه ولا حتى بره المدونه
اللى انت عايزه دوله تحترم حقوق المواطنه وحقوق الانسان
ماشى يا سيدى طيب اللى انا كتابته دا مش هو اللى انت عايزه ؟؟؟؟
طيب ليه بقى بتجادل وتزم فى الاسلام؟؟
عموما كويس انك علقت علشان تخلى المدونه تشتغل شويه بدل ماهى نايمه كده

السؤال اللى محيرنى هو انا استخدمت الدين فى صراعى ازاى؟؟؟
بالعكس دا انا بقول يا ناس ياللى مابتفهموش بصوا تانى للدين واعرفوا ان اللى انتوا بتعملوا غلط
يا سيدى انا دلوقتى ما بستخدمش الدين فى معركه سياسيه لانى بكل بساطه حبيت اوضح ان حقوق المواطنه مش متعارضه مع الاسلام بس كده.
راجع نفسك تانى وانت تعرف انك خرجت عن الموضوع يعنى بقول لك الاقباط مش المفروض انهم يدفعوا الجزيه
تقوم انت تقول لى ازاى يدفعوا الجزيه وهما كذا وكذا
تبقى تيجى ازاى؟؟؟ انا بقول مش هيدفعوا الجزيه
يا ريت تراجع نفسك تانى وشكرا جدا علىا لتعليق

قبطى يقول...

انا هاكتب اللى انا فهمته لانك شكلككده زهقت منى
انت تريد دولة اسلاميةتطبق الشريعة الاسلامية
انت تدعى ان تطبيق الشريعة الاسلامية لا يتعارض مع حقوق الانسان
انا احاول ان اوضح لك ان الشريع الاسلامية لا تساوى بين الناس
فتتهمنى انى اسب الدين وانت تعرف تبعات هذه التهمة
تقول شريعة اقولك لأ تقولى ماتتكلمش فى الدين وتهينه
هو انا مش من حقى اقول لا للشريعة ؟
هى دى مش بلدى

موضوعك هو الاسلام وحقوق المواطن
ماهى حقوق المواطن؟يا ريت تكتب لنا شوية حقوق حسب رؤيتك للدولة الاسلامية
خليك فاكر حقوق المواطن مش حقوق الاقباط

قبطى يقول...

يا ريت تكتب رأيك فى توصيفى لازمة الاسلاميين مع الاقباط
حقوق الله وحقوق الانسان

محمد الطاهر يقول...

اولا انا مزهقتش منك
والله انت ممكن تلاقى فى النت كتير جدا حاجات بتتكلم عن المبادىء العامه للمواطنه

يا عزيزى افهمنى بص حاول تفهمنى بص سيبك من انك بتكلم واحد مسلم انت بتكره دينه
وأقرأ البوست تانى
وجاوبنى
هل الموجود فى البوست يحقق مطالب الاقباط؟؟
هو انت هتفرق معاك الاسماء؟؟؟ يعنى لوقلت لك الاسلام بيقول لهم مالنا وعليهم ماعلينا تقولى لا اقول لك ليه تقولى علشان انا مش عايز اطبق الشريعه الاسلاميه
طيب ايه رأيك لو قلت إن كل المواطنين متساوون فى الحقوق والواجبات؟؟؟
على فكره سنه 85 البابا شنوده قال ان المسيحيين كانوا عايشين فى ظل الشريعه أفضل من دلوقت.

تقصد ايه بالظبط مافهمتش من التعليق التانى اى حاجه يا ريت توضح


ماتنساش تجاوب على سؤالى
اللى انا كتبته دا هو مطالب الاقباط صح ولا لا؟؟
على فكره الكلام اللى انا كاتبه دا كتير جدا جدا من المسيحيين مقتنعين بيه يعنى رأيى هو رأيى كتير من المسحيين بعيد عن الشريعه الاسلاميه المهم انه حقق مطالبهم لدرجة ان احد المسيحيين وصف لى رأيه فى بناء الكنائس قائلا :
احنا مش عايزين فى كل شارع كنيسه انما عايز الكنائس اللى تكفى عدد الاقباط وتكون قريبه منهم

اظن دا اللى انا قلته
حاول تبعد عن انى بتكلم عن امور من منظور اسلامى
وقولى لى دا اللى انت عايزه ولا لا؟؟

محمد الطاهر يقول...

فيه حاجه لسه قريها دلوقت وهرد عليها

يا عزيزى المقال اساسا عايز اقول فيه ان حقوق المواطنه مش بتعارض الاسلام

معندكش وقت وبدخل مدونتى؟؟ تصدق انا مبسوط بجد مش مش بهزر عموما حكاية الـ52 مره دى طبيعيه لانى اساسا بتكلم عن حاجه هل هى حرام ولا لا شيىء طبيعى ايه المشكله.

دوله فاشيه؟؟ بص هى تبقى كده ملهاش علاقه بالاسلام اساسا ولازم الكل يوقف فى وشها لان الدوله الفاشيه مالهاش علاقه بالاسلام وإقراء المقال الجديد الديمقراطيه والاسلام

حقوق الاقباط لازم يخدوها وبعدين انا قلت لك ان مطالب الاقباط هى اللى انا كتبتها يبقى فين المشكله ؟؟؟

على فكره لو فيه دوله ذو مرجعيه اسلاميه يبقى مافيش اى مشكله انك تعرضها على الفكره كون انك تعرض النظام دا شيىء طبيعى ومش حرام بالعكس دا الاسلام بيدعوا اليه
اقرأ الاسلام والديمقراطيه فيه توضويح اعتقد
.

غير معرف يقول...

ya gama3a look at USA fihom wa7ed Muslim masek ay 7aga fel dawla?? aw ay country from europe? OK Don't Blame us now!!

غير معرف يقول...

عمرو المصرى
احب الاول اقول ان الموضوع مش لاهوت ولا علم كلام عشان كده افضل عدم الدخول فى الدين كتير لأنه لن يؤدى الى نتيجه احب اتفق مع قبطى ان مطالبه مشروعه فى المساواة كامله مع المسلمين واقول من قرأتى لمحمد الطاهر انه مؤيد لنا كمان ولكن يا قبطى(اخى فى الوطن)من المهم انك تفهم الوضع الثقافى فى مصر حين بدأ رفاعه الطهطاوى والامام محمد عبدة فى نقل الحضاره الاوروبيه الينا كان لابد لهم استخدام صيغه توفيقيه بين الاسلام والحضاره الغربيه لأن من الصعب على المسلمين تقبل التغيير فى ذلك الوقت.
والان بعد سيطرة التيارات الاسلاميه المتطرفه على الشارع اصبح العوده الى الصيغه التوفيقيه ضروره حتى نواجه تلك التيارات واعتقد ان محمد الطاهر يقصد ذلك بمعنى اننا فى نفس الصف

knowjesus_knowlove يقول...

النازية هى الحل

تلبية لطلبات أنصار اللات وعشاق أشرف المرسلين النبى الآرى رودلف بن هتلر

قرر الصحابى جوبلز رضى اللات عنه وأرضاه تجميع القرآن فى مصحف واحد وحرق باقى المصاحف الأخرى وسيتم تسميته مصحف جوبلز



وفيما يلى بعض الآيات النازية وأحاديث النبى هتلر صلى اللات عليه وسلم :

إن الدين عند اللات النازية

ومن بدل نازيته فأقتلوه

لايقتل نازى بغير نازى

لا يجتمع فى أرض الألمان دينان

أخرِجوا غير النازيين من أرض الألمان

ومن يبتغِ غير النازية ديناً فلن يُقبل منه وهو في الآخرة من الخاسرين

الحمد للات على نعمة النازية

لا إكراه فى النازية قد تبين الغي من الرشد

إنا أنزلناه قرآنا ألمانيا مبينا

بعثت بالمدفع حتى يعبد اللات لاشريك له وجعل رزقى فى مدى مدافعى

قاتلوهم يعذبهم اللات بأيديكم ... ويخزهم... وينصركم عليهم ... ويشف صدور قوم نازيين

‏واعلموا أن الجنة تحت ظلال المدافع النازية

وقاتلوهم حتى لا تكون فتنة وتكون النازية للجميع

اليوم أكملت لكم دينكم وأتممت عليكم نعمتي ورضيت لكم النازية دينا

لن ترضي عنك الأنجليز والفرنسيون حتي تتبع ملتهم

لا تبدءوا الأنجليز ولا الفرنسيون بالسلام، فإذا لقيتم أحدهم في طريق فاضطروه إلى أضيقه‏



يَا أَيُّهَا النَّبِيُّ هتلر جَاهِدِ الإنجليز والفرنسيون وَاغْلُظْ عَلَيْهِمْ وَمَأْوَاهُمْ جَهَنَّمُ وَبِئْسَ الْمَصِير


يا أيها الذين نازوا لاتتخذوا الأنجليز والفرنسيون أولياء بعضهم أولياء بعض ومن يتولهم منكم فإنه منهم أن الله لا يهدي القوم الظالمين


وَأَنْزَلَ الَّذِينَ ظَاهَرُوهُمْ مِنْ أَهْلِ الإنجليز والفرنسيون مِنْ صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضًا لَمْ تَطَئُوهَا وَكَانَ اللَّات عَلَى كُلِّ شَيْءٍ قَدِيرًا


فَإِذَا لَقِيتُمُ الَّذِينَ كَفَرُوا بالنازية فَضَرْبَ الرِّقَابِ حَتَّى إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّى تَضَعَ الْحَرْبُ أَوْزَارَهَا ذَلِكَ وَلَوْ يَشَاءُ اللَّهُ لَانْتَصَرَ مِنْهُمْ وَلَكِنْ لِيَبْلُوَ بَعْضَكُمْ بِبَعْضٍ وَالَّذِينَ قُتِلُوا فِي سَبِيلِ اللات فَلَنْ يُضِلَّ أَعْمَالَهُمْ



إِنَّمَا جَزَاءُ الَّذِينَ يُحَارِبُونَ اللَّات وَرَسُولَهُ هِتْلَرْ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآخِرَةِ عَذَابٌ عَظِيمٌ


ولا تجادلوا الإنجليز والفرنسيون إلا بالتي هي أحسن إلا الذين ظلموا منهم وقولوا آمنا بالذي أنزل إلينا وأنزل إليكم وإلهنا وإلهكم واحد ونحن له نازيون.



يا أيها الفوهرر حرض النازيين على القتال إن يكن منكم عشرون صابرون يغلبوا مائتين وإن يكن منكم مائة يغلبوا ألفا من الذين كفروا بأنهم قوم لا يفقهون



أمرت أن أقاتل غير النازيين حتى يقولوا لا إله إلا اللات فإذا قالوها عصموا مني دماءهم وأموالهم إلا بحقها وحسابهم على اللات


http://www.geocities.com/knowjesus_knowlove/Hitler.htm

غير معرف يقول...

الأخ محمد يبدو أنك فتحت للبعض باب المصيدة التى فرضوها على انفسهم ...
وليعلم الجميع أن من يملك كلمة فهناك من يملك عشرة .. واذا لم يفهم ذلك ففهمه على قد علمه بقدر الكلمة .. ولكن ما يمنع صاحب العشرة من الدخول فى المهاترات .. هو المرجعية والممارسة الحقيقية لها ... وليست شعارات وطبل وزمر بلا عائد ...
الأمر الأهم ... لم نرى فى أى مكان فى العالم أو أى شعب فى التاريخ .. ان تطالب الأقلية بحقها فى الحكم ... وإلا هل سمع أصحاب الطبول والمزامير أن أمريكا حكمها مسلم او حتى طالب المسلمون بذلك ؟؟ يكفى هامش الحرية ان أصحاب الستة ملايين يتكلمون عن حقهم فى الحكم و"الإمارة" التى تحدثتم عنها على سبعون مليون مسلم .. وفى النهاية تتحدثون عن حقوق الإنسان والمساواة !!! أى مساواة فى هذه الحالة !! يجب ان تفهموا ان القاعدة الأساسية فى دول وشعوب الأغلبية ... أن المساواة فيها فى الحقوق الشخصية وليس الحق فى الحكم للأقلية على الأغلبية .. وأسألوا لبنان ... فربما لا تعرفون إلا الكلام عن الدول العربية ... أفيقوا .. ووجهوا جهودكم بعيدا عن الغل والحق ... فلن يحقق الغل والحق تعديل عددكم ةوتحويلكم الى أغلبية .... واسألوا قسسكم المحترمون ليحكوا لكم كم جمع عمرو بن العاص المسيحيين من الكهوف عندما وصل مصر بناء على مكاتباتهم (وبالطبع ستنكروها كباقى الحقائق) لإنقاذهم من براثن الرومان .... فهل كان هذا عدلا مع يهود مصر وملاحدته ان ينقذهم ويترك الباقين ؟؟ ام لم تفهموا هذه الحقيقة .... وتعليق صغير للسيد قبطى ... الاسم الذى تستخدمه ليس مسيحيا .. انما مصريا فرعونيا حتى أزيد معلوماتك .. معلومة .... أفيقوا حتى يعيش الجميع !!!!

غير معرف يقول...

What a great site tenuate Apple mac data recovery exeter Explain what video conferencing is please volvo xc90 review Behlmann pontiac gmc Crap eaten Losing hair Tadalafil mexico Radar detector clips to mirror usa Suns casino roulette take phendimetrazine exactly as directed by your doctor porn Microsoft sql server training united kingdom Clone os to 2nd harddrive neurontin withdrawal Raised lettering business cards