الخميس، أكتوبر ٠٥، ٢٠٠٦

أيها الرئيس سحقا لك...أنا عايز آكل

مشهد
حوار بين مواطن وطبيب
المواطن: لو سمحت يا دكتور عايز اتبرع بالكليه بتاعتى للمستشفى أعمل إيه؟؟
الطبيب : مافيش حاجه إسمها تتبرع بكليتك للمستشفى إنما لما يكون فيه حد محتاجها وكليتك متوافقه معاه ممكن تتبرع بيها ليه
المواطن : بصراحه كده أنا عايز أبيعها
يتلعثم الطبيب من هول ما سمع فكيف بشخص يقرر أن يقطع جزء من جسده ويعرضه للبيع
يرده عليه الطبيب : لكن المستشفى ملهاش دعوه بالحكايه دى
المواطن :طيب ماتعرفش حد عايز واحده؟؟
الطبيب وقد إستشاط غضبا وشفقه فى نفس الوقت : لا
المواطن : طب ماتعرفلهاش أى تصريفه؟؟
إلى هنا ينتهى المشهد
على فكره الكلام اللى انا قلته دا مش مجرد خيال ، إنما دا حصل فعلا ومش مع طبيب واحد ولا فى مستشفى واحده ولا مواطن واحد إنما كتير وكتير جدا كمان ، صدقونى دا حصل فعلا مش علشان أنا مش طايق ميتين أم النظام وحسنى يبقى هفترى عليهم وأقول إنهم بعد ما بيعوا الشعب هدومه هيبيعه نفسه ، أصل أكيد اللى رايح يبيع كليته دا أكيد قبل كده باع هدومه مش هدومه وبس إنما كل حاجه ممكن تتباع، أكيد المواطن دا لو معاه إنه ياكل مش هيفكر يبيع أعضاءه ،لو معاه فلوس ياكل بيها ،ياكل وبس من غير سكن ماكنش يفكر يبيع حته من جسمه،عايزين ناكل بس مش أكتر من كده بدل مانبيع نفسنا
الله يخرب بيتكم يا ولاد الكلب ، كل الأمراض اللى إنتشرت دى ،الكبد وأمراض الكلى والسرطنات كلها بسبب اللى مايتسمى يوسف زفت.
على فكره فيه حوادث تانيه كتير من النوعيه دى مثلا عندنا فى مصر عمليات الكلى بتبقى على نفقة الدوله وبما إن الناس مش لاقيه تاكل فبعد مايعملوا العمليه وينقلوا الكليه يقوموا يبيعوا الدواء اللى الدوله بتصرفه ليهم فجسم المريض يطرد الكليه الجديده والكليه تبوز تانى ويرجع يعمل غسيل كلوى كل اسبوع 3مرات ،المريض اللى يبيع الدواء بتاعه يبقى أكيد مش لاقى ياكل ،وبرده حكاية بيع الدواء دى منتشره بطريقه غير طبيبيعه والله إنتشارها يخلى الواحد يترعب لما يسمع الحكايات دى.
طبعا دا غير حالات بيع الكليه اللى منتشره جدا جدا ،لدرجة إن الأجانب بتيجى من بره مصر علشان تعمل عمليات النقل هنا لان بسهوله ممكن يلاقوا كليه وبسعر رخيص وبالضمان كمان ،ودى حقيقه معروفه لكل الأطباء .
مش عارف أقول إيه غير الله يخرب بيت اليوم اللى شوفنا فيه حسنى مبارك ووبقيت العصابه اللى معاه ، دا مش نظام حاكم دى عصابه ، عصابة حرميه ، يا ريس الله يخرب بيت العيشه ، عايزين ناكل ، مش عايزين حريه ولا ديمقراطيهولا زفت ولا أى حاجه، عايزين ناكل ، خلاص إحنا بعنا هدومنا وبعنا أعضاءنا وبعنا ولادنا مش لاقيين حاجه تانيه نبعها، يا ريس عايزين ناكل ، مش عايزين أى حاجه غير إننا ناكل
عاااااااااااااااااااااااااااااااااااااااااااااايز آآآآآآآآآآآآآآآآآآآآآآآآآآآآآآآآآآآآآآآآآآآكل

هناك ١٨ تعليقًا:

غير معرف يقول...

طب كويس اني اول واحد اعلق

ماله بأه ياعهم بيع الكلاوي
هتقطع عالناس اللي شغاله ليه بس ياعم محمد

مش شرط يعني اللي ييجي يبيع كليتة يكون مش لاقي ياكل
ممكن يعني يكون عايز يبتدي مشروع
ولا حاجه
اصلها دلوقتي تعملها بتاع تلاتين الف ولا حاجه
اه يامحمد ياخوية كل حاجه بتغلي
المهم بس برضه انا متفق معاك تماما
ان كتر بيع الاعضاء البشرية وعلي رأسها الكلاوي
ده معناه الاقتصاد بقي في الارض
وزي ما قلت الناس مش بتيع هدومها ولا عفش بيتها
الناس بتبيع كلاويها

* علي فكرة اول موضوع اقراهولك كامل

Abed. Hamdan يقول...

لا حول ولا قوة الا بالله..

ان الله مع الصابرين يامصر العظيمة

غير معرف يقول...

كلامك مظبوط لكن تقدر تقولي ايه الحل ؟
احنا استوينا يا عم
كفاية باة
كفاية
كفاية

غير معرف يقول...

كلامك مظبوط لكن تقدر تقولي ايه الحل ؟
احنا استوينا يا عم
كفاية باة
كفاية
كفاية

غير معرف يقول...

ياريت يا استاذنا لو عندك شغلانة لية قولي عليها وبسرعة لحسن انا ومراتي واولادي مش لاقيين ناكل بجد وغرقنا في الديون

غير معرف يقول...

اعتقد ان مصر تعيش اسوا فترة في تاريخها من يوم ما خلقها ربنا الوضع الذي وصل اليه المصريون لم يحدث ابدا حتى ايام الاحتلال العثماني او الانجليزي او الفرنسي ولا حتى ايام الاقطاع و الباشوات .ادعو الله ان ينتقم من حسني مبارك و اعوانه على كل ما فعلوه بمصر و المصريين من ظلم و اضطهاد و تجويع و سرطان و فشل كلوي و التهاب كبدي و غيره و غيره.و في النهاية " ان الله لا يغير ما بقوم حتى يغيروا ما بانفسهم "

غير معرف يقول...

أنا بضم صوتي مع العزيز محمد طاهر
عااااااااااااااايز أكل

وبعلن إعلان هام
للبيع كليه مواطن مصري عاش في عصر مبارك فتره كافيه لكي يأتي له كل الامراض من أول السكر - المراره - القولون - الضغط - السرطان - أمراض نفسيه - مشاكل قلبيه - إلخ
و مش لاقي ياكل أو يلبس حتي مش قادر يجيب جزمه جديده أو شبشب يلبسه
والبيع لأعلي سعر
ها مين يفتح المزاد
؟؟

غير معرف يقول...

كويس ان حضرتك عندك وعى باللى بيحصل فى البلد قليل بلاقيهم كده

بس عندى اعتراض صغير :

هو انى مش بحب التطاول بالالفاظ

يعنى خلينا نقول راينا من غير ما نجرح حد
خلينا احنا احسن

وان شاء الله مستقبل بلدنا حلو

eman يقول...

بالله ما في عندكم سوق للضمائر كمان يا محمد هههههه
عشان عنا ضماير بدها بيع:)
يعطيك العافية
موقع حلو
من محاربي الرئيس...
الله ينصركم

غير معرف يقول...

لا تعليق

Mo Eltaher يقول...

حرنكش
فعلا احنا لازم نساعد الناس تبيع اعضاءها علشان ننعش الاقتصاد المصرى والمشروعات الصغيره
شكرا على التعليق

Abed. Hamdan
ربنا يسترها


صحيفة ضمير الامة
!!!!!!!!!!!!الحل ؟؟؟



Anonymous

والله للأسف انا نفسى عاطل



Anonymous
ربنا يستر وما نبقاش اسوأ من كدا كمان اصل الحكايه كدا خلاص


ميت
لا يا حبيبى الناس مش بتشترى كليه اخوانجى



nova18
شكرا على التعليق
انا عموما مش بشتم فى تدويناتى بس التدوينه دى بالذات انا كاتبها اسا علشان اشتم



ايمان
شكرا على التعليق

kalam 7or يقول...

انا نفسى اكتب حاجه زى دى من زماااان علشان برده نفسى اقول اللى فى نفسى اتخنقت وانا فكرت اكتب حاجة ( عاوز اتكلم ) موش آآكل المهم الكلام علشان ما تصحاش تلاقى نفسك فى يوم بقيت مجنون من كتر النفاق اللى داير فى كل حته

أشرف حمدي يقول...

انا كمان كنت كاتب موضوع في البلوج بتاعي عن بيع الأدوية اللي بتصرفها الحكومة بحكم عملي كطبيب خلال فترة الامتياز. فعلا الموضوع ده بيحصل عااادي جدا من الدكاترة الكبار والموظفين كمان .
تصدقوا انا مرة اتجننت وفكرت ابيع كليتي ؟؟؟
طبيب بياخد 180 جنيه في الشهر .. طب بالزمة والنبي دول يكفوا مواصلاتي أصلا ؟
http://caricatooz.blogspot.com/

غير معرف يقول...

اية ياعم محمد الشتايم دي كلها دانت شكلك ارفان من عيشتك انا معاك ان نظام مبارك فية سلبيات لكن معليش برضوا في انجازات ومتقديرش تنكر دة واي نظام فية سلبياتة وايجابياتةوياريت لما تيجي تكتب بعد كدة تبعد عن اسلوب السب والشيتمة اوكي ياميشمهندس محمد

غير معرف يقول...

طيب عالسيرة مفيش حدا عايز كلية

غير معرف يقول...

هى دى احداث القرن الواحد وعشرين العالم كلة بيتادمواحنا بنيع كويس انو خد على قفاة بس احسن مايخد على عينوةبس يا رب الحكومة ما تشغلش دمغهاوتلزم الى يبع كليتة بانةيدفع عليهادمغة وضريبة مبيعات علا فكرة اناكمان عايز ابيع كليتى البيع احسن من حجات كتير

غير معرف يقول...

مش عارف الناس كلها متحاملة ع النظام لية ؟ مش عارف انتو عايزيين اية ؟
ما العيش موجود ف كل المخابز اية ياعني بتقف في الطابور يوم واحيانا تطلع من غير هدومك اية ياعنى ؟؟؟
واية موضوع المواصلات مالها ماهي زي الفل عمرك شوفت في اي بلد باب الاتوبيس بيشيل 30 شخص؟ حد شفها قبل كدا ياجماعة دا انفراد وحصري ف مصر دا احنا هناخد علية نوبل ؟؟؟؟؟؟
واية موضوع المرتبات مالها كمان كل يوم مظاهرات في اية؟ دا الوزير بياخد 2000 جنية بس الحكومة مدياله رخصة انه يسرق ويختلس بس ميسقشي فيها انت بقي عايز تساوي نفسك بالوزير انتو فاكرين الوزير دا بعد النهب والاختلاس بيجيب كام ؟؟؟ كلام فاضي ميأكلش عيش ياناس حرام عليكو الراجل ياكل عياله ياعنى ارحموا الناس بقي؟؟؟
وموضوع بيع الكلاوي والقوانص ماه من زمان عندنا بس احنا اقتبسناه من بتوع الفراخ بس دا كل اللي حصل ؟؟؟ وعشان الناس متقولش الحكومة مش موفرة فرص عمل الكلاوي بتجيب فلوس كتيير اوي
اه صحيح بالمناسبة ؟؟؟؟؟ بيقولوا مصر أم الدنيا بس ياخسارة مش عارفة تساع اهلها كل اللي واخديين حقهم فيها والحمد لله الحرامية الكبار بس ؟؟؟؟؟

غير معرف يقول...

ياجماعه التبرع بالكلى مش حرام ظالما هتنقذ حياه طفل
مطلوب متبرع فصيله الدم o+ لطفل يعانى من فشل كلوى مزمن
للإتصال 0100374572
مصر