الجمعة، يونيو ٣٠، ٢٠٠٦

الاسلام والديمقراطيه

منذ ايام قليله كتبت عن حقوق المواطنه والإسلام وحيث أنى نويت أن أقوم بكتابة عدة مقالات أشرح فيها وجهة نظرى للدوله المدنيه ذو المرجعيه الإسلاميه فوجدت أن البعض يتهم الإسلام بأنه عدو للديمقراطيه وأنه يدعو للحكم الفردى .أما الديمقراطيه هى - ببساطه - حق الأفراد فى إختيار حاكمهم مع ضمان محاسبته وإقصاءه فى حالة إنحرافه و بعض الاسلاميين يعتقدوا فى منافات الديمقراطيه للأسلام نظر لان الديمقراطيه تعنى حكم الشعب لنفسه. .

كل الاسلاميين الرافضين للديمقراطيه يستشهدون بالايه الكريمه :( ان الحكم الا لله) والحقيقه أن هذه الايه استخدمت قبل ذلك من قبل الخوارج عندما طالبوا بتحكيم القرآن بين سيدنا معاويه وسيدنا على رضى الله عنه وذكروا هذه الأيه مع رفضهم التام لتحكيم اى انسان والحقيقه أن هذه الايه استخدمت فى هذه الحادثه فى غير موضوعها بل وبعيده كل البعد عن المعنى الحقيقى للأيه وسيدنا على رضى الله عنه رد عليهم :(كلمة حق يراد بها باطل ) والحقيقه أن المقصود بهذه الآيه أن الله هو المتصرف فى الكون وأن الله هوالذى يحلل ويحرم ويكلف وانزل الكتب وشرع الشرائع.

قال رسول الله صلى الله عليه وسلم :( ستكون أئمة من بعدى يقولون فلا يرد عليهم قولهم، يتفاحمون فى النار كما تفاحم القرده) وهنا يدعوا الحديث الشريف الى محاسبة الحاكم ولا مجال هنا الى ذكر الأيه الكريمه (واطيعوا الله واطيعوا الرسول واولى الأمر منكم) لان الطاعه هنا ليست الطاعه فى المضره. و فى أول خطبه لسيدنا أبو بكر رضى الله عنه قال فيها : (أيها الناس قد وليت عليكم ولست بخيركم ، فإن أصبت فأطيعوني ، وإن عصيت فقوموني ، أطيعوني ما أطعت الله فيكم ، فإن عصيت فلاطاعة لي عليكم ..) والدعوه هنا صريحه لصد إنحراف الحاكم. أيضا فى أحد خطب سيدنا عمر بن الخطاب قال : ( أيها الناس من رأى منكم فى إعوجاجا فليقومنى .....) فرد عليه أحد الحاضرين قائلا : ( والله يا ابن الخطاب لو رأينا فيك إعوجاجا لقومناك بحد السيف ). والأدله السابقه تثبت أن الدين الإسلامى لم يصنع من الحاكم اله انما أمر المسلمين بالوقوف وإنحراف الحاكم.

والعقل البشرى أوجد طريقا للحفاظ على الديمقراطيه- والتى هى فى صميم الدين الاسلامى -حكم الأغلبيه والإستفتاءات والانتخابات والتعدديه الحزبيه و......و.....وكل هذه الآليات تضمن سير العمليه الديمقراطيه والحقيقه انه لا يوجد فيها ما يعارض الدين الإسلامى وما فائدة العقل اذا لم نستخدمه فى شؤن الحياه ولا سيما الحكم؟

البعض يرفض الديمقراطيه لأنها مستورده والحقيقه اننا لو نظرنا للمعنى الحقيقى للديمقراطيه لوجدنا اننا فقط استوردنا الاسم وعموما فحتى لو كانت كلها أفكار مستورده فلا مانع من إستخدامها مادامت لا تخالف الدين الإسلامى فى شيىء وكما قال الرسول صلى الله عليه وسلم :(لو عرضوا عليا امر رشد لقبلته ) وكان صلى الله عليه وسلم يقصد غير المسلمين انهم لو عرضوا عليه امر به منفعه للمسلمين ولا يخالف الدين فسيقبله صلى الله عليه وسلم. كما ان الأفكار عموما لا يوجد عليها اى مانع مدامت بها منفعه وغير منافيه للدين والنبى صلى الله عليه وسلم أخذ برأى سيدنا سليمان الفارسى وحفر خندق للمشركين فى غزوة الأحزاب وكان هذا من أساليب القتال الفارسى.

هناك ١٩ تعليقًا:

Ahmed Fathy يقول...

شوف يا أخ محمد
في نقطة يجب أن تكون واضحة و لا لبس فيها .. المفهوم الذي يتبناه بعض الاسلاميين عن الشورى يختلف تماما عن الديموقراطية و لذلك فهم عندما يقولون ان الشورى غير الديموقراطية فهم محقون تماما فمهومهم للشورى استمدوه من الأحكام السلطانية للماوردي و غيرها من كتب السياسة الشرعية و التي ألفت من مئات السنين.. هم لا يفكرون في الشورى على أنها مبدأ و للناس الحرية في اختيار وسلة التطبيق بل انهم ينظرون اليها انها شكل واحد فيجب ان يكون هناك ما يسمى بمجلس أهل الحل و العقد ( الذي يختاره الحاكم أو الخليفة) لكن أن ينتخب الناس ممثليهم فهذا نوع من السفه و الجنون لأن العوام قاصرون عقليا..طبعا هذه الفئة للأسف تريد احتكار مفهوم الشورى كما تريد هي و بالطبع المفهوم بهذه الطريقة لا علاقة له بالديموقراطية من بعيد أو قريب..
ما أريد قوله .. الشورى مبدأ أو فكرة و الديموقراطية تطبيق..
على فكرة هناك بعض غلاة العلمانية يرددون نفس الكلام أن الورى لا علاقة لها بالديموقراطية مستدلين بكتابات و أفكار أصحابنا الذين سبق ذكرهم
تحياتي

Mo Eltaher يقول...

احمد فتحى
اولا التجديد فى الاسلام يشمل احيانا بعض النواحى الشرعيه فمجلس الحل والعقد هل وجد فى السنه او القرآن؟؟ طيب هل لازما أن تطبقه؟؟؟
مسالة أن نأخذ الاسلام كما هو منذ أن نزل مسأله غير صحيحه بل العكس التجديد مطلوب فى الاسلام مع الاخذ بأنه لا اجتهاد فى نص
والرسول قال : انتم أدرى بشؤن دنياكم وامركم شورى بينكم
ولم يحدد هل الشورى بين العوام ام الطبقه الحاكمه
ارجع مره آخرى لعصر النبى (ص) وعصر سيدنا ابو بكر وسيدنا عمر
وعموما مادام لم ينزل بها نص ولم يعمل بها الرسول فلا مانع من أخذها فى الوقت الحالى

Mo Eltaher يقول...

احمد حسين
اوفقك الرأى

غير معرف يقول...

السلام عليكم
ازيك يا محمد انا اخوك محمود تخيل لسه سامع النهارده عن المدونات ونفسى انى اعمل مدونه ليه بس انا ضعيف شويه ممكن تقول احسن من ضعيف ياريت تسعدنى عندى افكار كتيره عايز اطرحها او نتشارك مع بعض ونسميها كلام نسعى لتطبيقه مثلا او اى اسم نتفق عليه راسلنى على mahmoudbb2005@yahoo.com

Mo Eltaher يقول...

بكل سرور انا ضفتك عندى فى الياهوو ان شاء الله نبتدى مع بعض نعمل لك مدونه
مستنيك

Ahmad Gharib يقول...

صباح الخير ياشباب

اولاً انا عايز اقول ان الاسلام هو دين العقل اولاً واخراً

فمن يستغنى عن عقلة فبتاكيد سوف ينزلق فى احد التيارات الدينية الغير متطورة

بمعنى انة قد يتبع شيخ معين يطالب بقيامة الخلافة الاسلامية وتطبيق الشريعة فورياً وهذا منهج سبق ان راينا نتيجتة فى افغانستان

دة مثال طب خد عندك مثال تانى الشباب الى بيقعوا فى مصيدة الصوفية بيبقوا عبيد للشيوخ فى كل حاجة

اذاً يجب تحكيم العقل فى محاولة فهم النصوص الاسلامية

وايضاً محاولة ايجاد افضل الحلول للعصر بدون مخالفة المبادئ الاسلامية

Khaled gad يقول...

ذلك و اكثر
كل النظريات اللى حاولت تدور على الحرية و الديمقراطية بعيد عن الاسلام اثبتت فشلها و لو بعد حين , و لسه الناس مش فاهمة انه مش هينفع غير الاسلام
لو عايزين تقدم هو الاسلام
لو عايزين حرية , موجودة فى الاسلام
لو عايزين عدل , برضه فى الاسلام

عاجبانى جملة الاخوان " الاسلام هو الحل " معبرة اوى , هم غيروها شوية و خلوها " بالاسلام نقدر نحلها " بس هى هى فى الاخر

المهم فهم الاسلام صح , للاسف الناس مش فاهمه الدين و مش بستثنى نفسى منهم , لانى فعلا مادخلتش جوه الاسلام قوى و مقصر زى ناس كتير و مكتفى بالصلاة و الصوم و الحاجات دى , بس عارف و متأكد ان الاسلام فى حلولكل المشاكل

والاهم بقى الناس اللى بتدعى انها فاهمة الاسلام و بتشوه فيه و بتخرف تقفل بقها

Mo Eltaher يقول...

duke
موافقك جدا فى اللى بتقوله


بحب مصر
موفقك بس مش أوى
وهرد عليك زى بلال فضل رد ومقال :
الاسلام هو الحل و الإخوان هم المشكله
والله مش متأكد ان بلال فضل

غير معرف يقول...

الأخ الكريم : محمد الطاهر
أحييك على طرحك القيم والهام
أخى : الشورى فى رأيى مفهوم أوسع من الديمقراطية، لقد سمعنا عن الديمقراطية وجذبتنا ببريق ألفاظها لكن عند التطبيق لايوجد شئ
الشورى مبدأ إسلامى ولقد طبقه النبى صلى الله عليه وسلم فى مواقف كثيرة منها على سبيل المثال عند موقعة بدر
عندما طلب من الصحابة الرأى والمشورة هل نبقى فى المدينة انتظاراً للهجوم المحتوم أم نخرج لملاقاة العدو وكان رأى الشباب هو الخروج وكانوا أغلبية ونزل على رأيهم رغم أنه وهو النبى والقائد كان مع الرأى القائل بالانتظار ولكنها المشورة

والمواقف كثيرة ولكن لاأريد الإطالة
الشورى هى الحل الإسلامى لأنها نبعت من بيئتنا ومن وحى الهى وليس من كلام بشر يتحكم فيه الهوى
وأقول لأخى : القبطى
مع كل التقدير والاحترام لايوجد دين يحترم الأديان الأخرى ويمنحها حق العبادة بدون إكراه مثل الإسلام
أخوك
محمد

Mo Eltaher يقول...

الأخ قبطى
عبر عن رأيك من غير ما تعيب فى أحد انت بتكره الاخوان اوكى دى حريتك بس بلاش اسلوب السخريه
على فكره صدقنى انا بكون سعيد جدا لما أشوفك بترد لانك بتخلى فيه روح للمدونه

احمد حسين
دا اللى انا كنت عايز أقوله

محمد الجريحى
بص متعملش زى الأخوان وتقول الشورى ولا الديمقراطيه -الديمقراطيه ولا الشورى
الموضوع كله انا الشورى مبدأ انك تاخد رأيى الناس فى قرار ما والديمقراطيه برده نفس الطريقه
وبعدين كل الحكايه انك بتذود على الشورى آلايات لتنفذها يعنى هى هى الديمقراطيه
صدقونى يا جماعه الألفاظ دى مش المفروض اننا نختلف عليها

شكرا جدا لردودكم

Mo Eltaher يقول...

قبطى
انت عارفانى بحب اتناقش معاك
بس صدقنى لو حد استخدم نفس الاسلام بتاعك وقال ان الاقباط كذا وكذا حتى لو ماكنش يقصد
فانت هتقول دا ضطهاد والمفروض نحترم الدين
بص اسخر منى انا او من الاخوان او من اى حد برحتك بس بلاش المقدسات
لو كنت تقصد بسخريتك الإخوان يبقى مش من حقى انى اعلق اساسا

Mo Eltaher يقول...

يا قبطى اعمل فيا معروف ورد على اجابتى
اللى انا كتابته دا مش هو اللى انت عايزه جاوب على سؤالى
حقوق المواطنه والديمقارطيه المقالين مش دا اللى انت عايزه؟؟؟؟؟؟؟
على فكره انت زى الأخوان بالظبط
عايزين يطبقوا الشورى ومش عايزين ديمقراطيه مع انهم زى بعض بس مش عارف فيه ايه بالظبط

يا عزيزى انا مش مهم الأسماء

Mo Eltaher يقول...

يا جماعه أرجوكوا اعرفوا انا ليه بكتب دا
انا عايز اقول ان النظريات الحديثه مابتعاديش الاسلام ارحمونى وافهموا اللى أقصدوا وماحدش يخروج عن الموضوع أرجوكم

غير معرف يقول...

الأخ الفاضل : محمد الطاهر
السلام عليكم ورحمة الله وبركاته
فعلاً المشكلة ليست مسميات الأهم هو أن ننظر للإنسان على أنه كائن حر خلقه الله تعالى حراً وميزه بالعقل وأعطاه حرية الاختيار ، حتى جاء البشر انفسهم وكبلوا انفسهم بقيود وأغلال من صنعهم هم.
ديمقراطية أو شورى المهم أن تعود للإنسانية حريتهاالتى أردها الله لهم
ولاتضارب بين الإسلام والفكار الحديثة حتى لو كانت من الغرب لأن الحكمة ضالة المؤمن اخذ بها أين وجدها وطالما أنها لاتتعارض مع الشريعة

غير معرف يقول...

الأخ الكريم : ahmed hussein
السلام عليكم ورحمة الله وبركاته
أشكر لك التصويب بالفعل أنا كنت أقصد غزوة أحد، فالقصة التى أوردتها فى تعليقى عن غزوة أحد وليست بدر

بارك الله فيك وأعزك
أخوك
محمد

غير معرف يقول...

الأخ الفاضل : قبطى
سلام الله عليك ورحمته وبركاته
الأخ الكريم :الموضوع قد يطول ولكن أقول لك أن الله تعالى قال لنا فى كتابه الحكيم : لاينهاكم الله عن الذين لم يقاتلوكم فى الدين ولم يخرجوكم من دياركم أن تبروهم وتقسطوا إليهم إن الله يحب المقسطين .
والأمر هنا عام يشمل كل من يعيش معنا فى سلام سواء مسيحى يهودى مشرك طالما لايحمل لنا ضغينة ولاعداء، لابد أن يجد منا العدل فى المعاملة والإحسان فى القول والفعل هذا هو الإسلام
وتقبل تقديرى واحترامى

Mo Eltaher يقول...

قبطى
أعتقد إن انا قالت لك قبل كده انى احب انى اتناقش معاك

معنى كده ان انك بتتفق معايا فى كل اللى انا قلته الا موضوع بناء الكنائس إنت عايز قانون موحد انما باقى النقاط إنت متفق معايا فيها كويس جدا ان احنا وصلنا للنقطه دى يبقى دا مش مكان لمناقشة موضوع الكنائس
احب اوضح للناس الاختلاف اللى بينى وبينك

قبطى يريد قانون موحد لبناء دور العباده
وأنا أريد أن يكون هناك عدد من الكنائس التى تكفى لعدد الأقباط المتذايدون

إذن أعتقد أنه لا يوجد بينى بينك خلاف من الناحيه الواقعيه لان أكيد الاقباط مش هينوا كنائس ليسوا محتاجين لها
كذلك المسلمين لن يبنوا مسجد غير محتاجين له هذا شيىء طبيعى لن يبنى اى من الطرفين مسجد او كنيسه ليسوا فى حاجه له

ما فيش حاجه إسمها اسلام ايرانى ومش عارف ايه والكلام دا
فيه حاجه أسمها اسلام وبس إنما بيختلف رؤية كل طائفه ليه انما هو فى النهايه إسلام واحد وبلاش برده ندخل فى الموضوع دا لاننا ببساطه بنتكلم عن الديمقراطيه فى الاسلام وفى الاخر اثبت ان الديمقراطيه مابتتعارضش مع الاسلام يعنى قلت ان الديمقراطيه اللى ناس كلها عايزنها المسلمين برده عايزنها

قلت لك انى عمرك ماكنت ضيف تقيل انما كل الموضوع انك بتخرج عن الموضوع الاساسى وتروح لحاجه ملهاش علاقه بالموضوع يعنى اقولك انت مش هتدفع جزيه تقولى ازاى ادفعها ومش عارف ايه يا ريت بس مايكونش هجومك من أجل الهجوم
تصدق ليا واحد صحبى حبيبى قبطى برده اتكلمت معاه فى المواضيع دى كلها لاقيته بيفكر زى بالظبط هو مقدر ان الاغلبيه مسلمه وعلى فكره هو واحد من أنشط الشباب المصرى فى الحركه السياسيه وعضو مؤسس فى أحد اهم الاحزاب
مع ذلك متفق معايا فى كل كلمه قلتها


انت عايز حكومه تخاف من الشعب مش تتقى ربنا؟
غريبه اوى الحكايه دى
عموما دى وجهة نظرك بس خد بالك من حاجه ان لو الحكومه بتخاف من الشعب وبس يبقى الله أعلم من اللى هيحصل من ورا الشعب ياما ناس محترمين وبعدين يطلعوا ولاد كلب حراميه إنما لو بيخافوا ربنا بغض النظر عن دنهم فأكيد هيراعوا الحرام والحلال
منطق غريب
ويا ريت تقولى ايه علاقة كل اللى انت كتابته دا بالديمقراطيه والاسلام لانى فعلا مش عارف ايه العلاقه؟؟؟؟؟؟؟؟؟؟؟؟


محمد الجريحى
فعلا احنا تصدق انا لما أقول الدوله المدنيه ماتفرقش بين مسلم ومسيحى يصقفولى
ولما اقول المفروض نطبق اللى النبى قالنا عليه : لهم مالنا وعليهم ما علينا يقولوا لى ازاى عايز تطبق الاسلام على المسيحيين طب أعمل ايه بقى انا؟؟؟؟؟؟؟؟؟؟


طبعا انا ما اقصدش الاقباط بالكلام دا لان انا فعلا اول مره اتكلم مع واحد قبطى والاقيه مش موافقنى هى المره دى أقصد يعنى اخونا قبطى

Khaled gad يقول...

انا مش متعود ابص فى ردود تدوينة كنت رديت فيها قبل كده , بس مش عارف ايه اللى جابنى هنا علشان اشوف الحوار الطويل و اللى جه فيه سيرتى اكتر من مرة
الاستاذ القبطى اللى عايز حقوق مواطنة وكده غلط فيا و اتريق , مش مهم , بس المهم التريقة على الاسلام , لما يقلل من عظمة الاسلام و يقول: " لا استطيع ان استوعب كيف لا يزال المسلمين يطالبون بتطبيق مبادىء طبقها اسلافهم واندثروا وطبقها الافغان فاصبحوا اضحوكة العالم كله" يبقى عيب وبعيد تمام البعد عن معنى المواطنة
ملحوظة لمحمد الطاهر : انا لما قلت الاسلام هو الحل كان قصدى الفكرة فقط , و انا بعيد تمام البعد عن الاخوان , وبرضه مش معنى ده انى بكرههم


مافيش اى خطأ فى جملة : اثبتت فشلها و لو بعد حين " واضح ان المقصود : و لو بعد حين من ظهورها "

الهندوس رغم هبل عقيدتهم , انت عارف بيعملوا ايه فى المسلمين فى الهند , بيدبحوهم , سلملى على ديمقراطية الهند

ياريت يا محمد تمسح المشاركات اللى بتتريأ على الاسلام , الحرية ليها سقف

غير معرف يقول...

Best regards from NY! http://www.betting-nfl-teasers.info/Dog-racing-yellow.html commercial imitrex Celebrex dosage iv of lights slot machine The best car alarms Craps q baccarat Jeep detroit Get new soscial security card Allegra technologies