الثلاثاء، أكتوبر ٢٤، ٢٠٠٦

عالم إفتراضى

أحيانا بحس إنى مريض
وأحيانا تانيه بحس الناس هى اللى مريضه
أنزل الشارع الاقى هيصه وزاحمه وناس رايحه وناس جايه
أصلى بحب الزحمه ومش بدايق منها
أحيانا بيمر قدام عينى مشاهد بتأثر بيها
ممكن تكون حلوه وغالبا بتكون وحشه
مشاهد كتيره مختلفه
ممكن سياسه واحيانا لحظات إنسانيه
أشوف نفسى وأنا كنت مبسوط لما كنت مع نفسى
ويمكن أشوف مظاهره
وساعات الحكايه بتكبر وتخرج من أيدى
وألاقينى مع الناس تحت قصر العروبه
وساعات بفكر فى اللى جوايا
أنا إيه؟؟ عايش ليه؟؟عايز إيه؟؟
أنا صح ولا غلط؟؟!!
يعنى بعيش كأنى لوحدى
إكتشفت إنى بقيت حاجه كدا زى ....
زى ورقة الشجره
أو ....
أنا بقيت إنسان إفتراضى
خلقت لنفسى عالم إفتراضى
عالم بعيد عن كل حاجه
قريب منى أنا بس
أحرك عناصره بصوابعى زى عرائس المريونت
ماحدش هيقوللى إنت بتعمل إيه ولا ليه
عالم أحقق فيه أحلامى أشوف فيه كل اللى انا عايزة
أشوف ناس صافيه
اصحاب صافيه
ومش بعيد أشوف فيه مصر جديده من غير مبارك
عالم بشوف فيه كل حاجه انا عايزها
ممكن سياسه وممكن صداقه وغالبا حبة إنسانيه
عالم إفتراضى بتاعى أنا وبس

هناك ١٠ تعليقات:

غير معرف يقول...

ياااااااااااااه

انسان في عالم افتراضي

بجد كلنا كده

وكمان كلنا ورقة شجر
انت بس اليومين دول يمكن عندك مشاعر فياضه شوية
وده مش وحش
حلو
بس روض مشاعرك
وطلعا في مكانها
لطيف انك تبص علي كل حاجه حواليك
ولطيف انك توصل لغاية قصر العروبة " في خيالك بس طبعا" بس خلي كل مشاعرك الحلوة دي يامحمد مروضه
وطلعها وقت الحاجه


يلا
سي يو سوووون

غير معرف يقول...

الكل بقي كدة
عايش في عالم افتراضي
بيشرب مياة نظيفة
بيركب قطارات ماشية صح
بيتنفس هواء نقي
واهم حاجة الديمقراطية بنمارسها صح
وبنقف في طابور العيش والكل بياخد الي هو عاوزة
واللحمة بسبعة جنية وساعات تلاقيها بستة
ولما بتروح القسم بتاخد حقك
وبتتعامل كويس
وكل حاجة رخيصة
والكل بينام شبعان
==================
لو عاوز عالم افتراضي
مفيش غير
الامبراطورية المفقودة
عالم مختلف
www.lost-empire.blogspot.com

Mostafa Maher يقول...

كل واحد فينا ورقة

انا ورقة

فكرتني بفؤاد المهندس و يوسف بك وهبي الله يرحمهما.. انسان انوي نادر :p

و مين فينا مش ورقة ... حد يقدر يتحكم فحياتة و يحدد مستقبلة و يعمل كنترول على كل حاجة بيقابلها و بيعملها فحياتة..

الحياة بتجيبنا تشيلنا و تهبدنا و تحطنا .. يجي اللي يقهرك و اللي يبهدلك و اللي يذلك و اللي يحترمك و اللي يهنيك و اللي يفرحك و يزعلك و اللي يفرسك و اللي يطيرك مالفرحة و اللي يفطسك مالضحك و اللي يعيطك.

كل دا وانت عايش ...او حتى مش عايش ... مانت ورقة بئا.

و عالعموم العالم الافتراضي بيكون احلى كتييير.. بس متعمقش جواه اوي .. لتحتاج انك تكشف على قواك العقلية بعد كدا.

بئا روحت لقصر العروبة يااد :@
ابئا اتأكد انك متغطي كلك كويس

سلامي ليك و مبروك النيولوك

غير معرف يقول...

وحشتني قوي يا محمد خالد كامل

Dananeer يقول...

واضح ان كلنا عاملين عوالم افتراضيه

Ahmed Rashwan يقول...

ساعات باحس يا محمد أن المسافة بين العالم الافتراضي والعالم الواقعي طويلة جدا تبلغ آلاف الأميال ، وساعات باحس أن ما يحدث في العالم الافتراضي من حراك واستيقاظ وعي هو خطوة واثقة نحو الإمساك بخيوط العالم الواقعي

Mo Eltaher يقول...

اسف يا جماعه انى اتأخرت فى الرد


حرنكش
آه والله يا أخى الواحد بقى يطفح مشاعر
ههههههههههه
ربنا يسترها


the emperor
مش لدرجة الميه النضيفه



مصطفى ماهر
هههههههههههههه
فعلا انا انوى


Anonymous said...
ايه ياعم انت
انت رحت فين؟؟؟!!!


Dananeer
فعلا انا اكتشفت ان فيه ناس كتير اوى كدا مش انا بس


film69
ممكن بس اعتقد مش هنا ولا دلوقتى

غير معرف يقول...

بالنسبة لحادثة التحرش الجنسى ان لى راى وانه لابالراى المتواضع ساروى لكم قصة ليس للتسلية ولكن لمعرفة الفرق بين الحاكم والحاكم قديمااراد احد اليهودوليس المسلم او المسيحى ان يرى كعب امراه كانت بالسوق فعلق طرف الجلباب وهى جالسهفلما قامت انكشفت ساقها فماذاقالت قالت وامعتصماه وهانحن نقول الان يارئساه فهل من ملبى لندائنا اتمنى ذلك وماللامانى مكان فى عصرنا وبلدنا

غير معرف يقول...

سوال يراودنى هل هاذى البلد حر ومن حق اهله ام لا من كان عنده الرد ارجو ان يرد على لكى ارتاح فهل لندائى من مجيب

عروض سياحية يقول...

على الجميع ان يسافر