الأربعاء، أكتوبر ١١، ٢٠٠٦

صور إفطار أعضاء حزب الغد وشباب من أجل التغيير

أحمد ماهر -حزب الغد وشباب من أجل التغيير -واعضاء آخرين من حزب الغد وحركة شباب من أجل التغيير دعوا إلى إفطار جماعى لأعضاء حزب الغد وشباب من أجل التغيير وكان السبت الماضى موعد الإفطار على نظام الديش بارتى.
كنت أول الموجودين فى الحزب بعد قليل حضر محمد السعيد نبيه ثم وائل عباس ثم ساره عبد الجليل بعدها تتابع الحضور.
الطريف فى هذا اليوم ان عدد كبير جدا من الشباب أتى ومعه اما حلويات -او عصائر لدرجة إن وائل عباس قالى بعد كدا اى حد هيجيب عصير تانى هشربهوله كله غصب عنه وقبل الأذان كمان
بعدها بشويه بدأ الفطار اللى بجد ييجى

أسيبكوا للصور



دا منظر الأكل قبل الآذان بشويه




بنقول بالراحه





مش وقت كلام خالص

إضحك إضحك مبسوط أوى؟؟

إظاهر مزهول من اللى بيحصل

براحه ياعم انت

كان مبسوط اوى






عايز يحلى بقى

دا
كان بيصور وائل عباس ومحمد عبدالحى






حلو العرق سوس ؟؟؟؟؟!!!


أعضاء الغد بعد الإستيلاء على الغنيمه

تقريبا دول كل أعضاء الغد النشطين

و بعد العمليه




فجأه الأعضاء كلهم راحوا على الأستاذ أيمن بركات علشان يتصوروا معاه

هناك ١١ تعليقًا:

غير معرف يقول...

ولا يخرب بيت أبومازن
إيه ده ياض
إنته بتعمل تغطيه ولا بتسلم الناس للأمن رسمي
الحمد لله إني فطرت في مكان تاني
وبرده الأمن كان عارف كان مقعدين واحد في العربيه تحت العماره وبيصور بكميرا فيديو

عايز اتصل بيهم أجيب الشريط تعرف نمرتهم

kalam 7or يقول...

يخب عقلك ياااض انت فضحتنا رسمى عند الامن ( ولو ان الامن عارفنا اكتر من اهالينا ) وعلى النت كمااااان
منك لله اللى يشوفك وانت كده ما يشوفكش وانت بتاكل عمال ادور علييك اشوفك اخدت ايه من الاكل طلعت واخد

عدد 1 فرخة مشويه + نصف فرخة مشويه على الفحم ( جريل ) + عدد 6 صوابع كفته من الحجم الكبيير جدا _ بتاع ابو شقرة ) + عدد 12 قطعه سمبوسك لحم وجبن + عدد 3 قطع مكرونة باللحم المفروم + طبق ملىء بمكرونة فرن باللحم المفروم ايضا + عدد 2 قطعة بيتزا
هذا بخلاف السلاطات المشكله بجميع انواعها الحلو والحادق ، وهذا ايضا بخلاف التمر والعرق سوس والسوبيا وعصير المشمش والبيبسى والفانتا

منك لله سيبت لى ايه اكله ؟؟؟؟؟؟؟؟


ملحوظة الصور اللى ظاهر فيها محمد انا اللى كنت بصورها !!!!

Mo Eltaher يقول...

ايه جدعان دا هو الأمن مستنينى علشان يشوف الصور ويعرف أسماءكم؟؟؟
انتوا شكلوكوا بتهزروا

غير معرف يقول...

كل سنة وانتو طيببين ياشباب ورمضان كريم والسنة الجيه يكون حسنى مش معنا ان شاء الله

غير معرف يقول...

كل سنة وانتو طيببين ياشباب ورمضان كريم والسنة الجيه يكون حسنى مش معنا ان شاء الله

مصطفى محمود يقول...

اية دة ياض الله يحرقك ...فضحتنا .يخرب بيتك ...بعدين لامواخذة الفطار دة كان بتاع الغد ..مش الغد وشباب .. ومعلش احنا بنتكلم

Gemyhood يقول...

و لله فى خلقه شئون

Mo Eltaher يقول...

يوسف
يا رب يا خويا دلوقتى مش السنه الجايه

هتلر
مين ضحك عليك وقالك كدا؟؟
هو علشان فى الغد يبقى بتاع الغد؟؟
صباح الخير على الناس


جيمى هوود
معلش

دماغ ماك يقول...

دعوة إفطار للمدونين المصريين

الدعوة مفتوحة وعامة لكل المدونين المصريين

الافطار هايكون بنظام الديش بارتى كل واحد يجيب اكل معاه وكلنا ناكل مع بعض

كل واحد يدعوا كل المدونين اللى يعرفهم بنفسه، نتعرف على بعض ونأكد على

اجمل حاجه فى التدوين ، روح التدوين اللى ممكن تجمعنا كلنا

المكان المرة دى مش هايكون مطعم ولا فندق ولا غيرة

هانفطر فى المكان الوحيد اللى المفروض نفطر فيه

ســـوق الأســرة

مشروع متميز لمجموعة شباب زينا ، بيشتغلوا ويقدموا خدمة حقيقية و واقعية

للمجتمع ، بشكل حضارى ومبتكر،

يقدم السلع باسعار مخفضة، عن طريق اختصار الوكلاء

السوق بيساعد الفقراء وبيشغل العاطلين و بيضرب مثل على العمل التعاونى

والتضامنى وقدرة الشباب على

الاعتماد على انفسهم

التجربة رائدة ومحتاجه تضامن من الجميع

تم الاتفاق مع مجوعة ادارة السوق على موعد يوم الخميس القادم 19 اكتوبر

عنوان السوق : سوق الاسرة 288 ش السوادان المهندسين القاهرة

ماتنسوش الدعوة عامة واليوم بتاعنا كلنا ، كلنا هاندعوا بعض

هانفطر سوا كلنا

الخميس القادم 19 اكتوبر فى سوق الاسرة

فكرة وتنظيم

نورا يونس و أيــــــوب المصرى
****
:) لا اعلم بصراحة تفاصيل اكثر عن الموضوع و لكن يمكنك ان ترسلها الى جميع من تعرفهم من المدونين

***
تحياتي mak&bent sa3d

جميله بو حريد يقول...

حلوه اوى الصور ربنا يجمعكم دايما على اللى فيه خير مصرنا ويوزد عدد الشباب اللى زيكم واللهم لا حسد على الاكل

غير معرف يقول...

طيب الناس اللى مش فى الغد وعايزه تاكل .... مش هو برضه الإختلاف فى الرأى ميبوظش فى الأكل صينيه؟؟
كل سنه وانتو طيبين
......
وياريت تنورونا فى المدونه المبتدئه اتنين من الناس...
www.etneen-mn-elnas.blogspot.com
على فكره الزياره مجانا بس بشرط تقول رأيك.....

على فكره فيه أكل

سلامو عليكو