الخميس، يوليو 27، 2006

تغطيه لمظاهرة ميدان التحرير ألاربعاء 25 - 7 للتضامن مع لبنان

مظاهرة الأربعاء 26- 7 فى ميدان التحرير
بدأت المظاهره بالتجمع فى نهاية شارع طلعت حرب ثم إتجه المتظاهرين بسرعه وفجأه إتجاه ميدان التحرير وبدأت المظاهره
العدد كان كبير والمظاهره كانت ناجحه . الأمن كالعاده ولكن هذه المره - ولا مؤخذه أنا إتفرست- وخرجت عن شعورى أكثر من مره - ربنا يسمحنى على الشتيمه اللى شتمتها فالعساكر أستغفر الله العظيم - حيث كان هناك تجاوزات من الأمن فالتحرش بالفتيات موجود وضوب المتظاهرين موجود برده
عموما أترككم للصور
ملحوظه : لتكبير أى صوره قم بالضغط عليها



الشارع اللى جنب جروبى من أوله لأخره صف عربيات أمن أيضا شارع طلعت حرب من الميدان للنهايه عربيات أمن



تجمع فى نهاية طلعت حرب
بدأ التحرك إتجاه ميدان التحرير

عبدالعزيز مخيون حضر منذ البدايه

وبدأت المظاهره




بدأت الملابسات بين المتظاهرين والأمن ويظهر فى الصوره خالد الصاوى من الخلف


خالد الصاوى كان يحاول منع الأمن من الضرب فى المتظاهرين

تستمر المظاهره


يظهر فى الصوره أحد الممثلين المصريين ويوجه لى الكلام قائلا : مش دول اللى مات منهم 5 على الحدود بس التانين أجدع منهم

حضر عدة جنسيات آخرى غير مصريه


الغريب إنى أول مره فى حياتى أشوف فاروق الفيشاوى فى مظاهره وما أعرفش إن ليه فى السياسه كان واقف فوق خزان المترو فى هدوء وحزن غريبين جدا حتى لبسه وشكله كان غريب وماتكلمش إلا بعد مده طويله جدا






دول الأخوه البلطجيه والعساكر فى زى المدنين بدأو الإعتداء على الإخوه المتظاهرين مصرى بيضرب مصرى


ويستمر الإعتداء


غل غريب مع إننا اول مره نشوفهم ومانعرفهمش


ويستمر ...


أحد المتظاهرين يحاول تهدئة الإوضاع


ويستمر أيضا ......


كالعاده عم حمدى قناوى بزيه الجديد


اللجوء للحل السلمى


والحل السلمى ماطولش

خالد الصاوى النهارده كان نجم المظاهره




محمد عواد يهتف من جديد


واضح جدا إن العدد كان كبير




غير المدفع مافى حل


خالد الصاوى كان بيحوش عن المتظاهرين

أحد المتظاهرين معرش أغم عليه ليه إنما يدوبك الناس لحقوا يخرجوا بره المظاهره

إنتهت المظاهره الساعه 9 تقريبا
------------------------------------------------------

هناك 21 تعليقًا:

بحب مصر يقول...

للاسف ماقدرتش اجى النهارده بسبب الشغل بس بعد ماشفت الصور اتجننت و ندمت انى ماجتش , ايه الناس دى كلها , دول ليه مابيجوش كل مرة
و عاجبنى موووووووت وجود فنانين فى المظاهرة
المظاهرة دى لازم تبقى كل يوم علشان نعرف ناخد حقنا و الناس اللى فوق تحس
كنت مخنوق من شوية بس لما شفت الصور اتبسطت شوية بس لسه مضايق انى ماجتش

سامية يقول...

تصحيح بسيط بس.. الأربعاء 26 مش 25

ahmed hussein يقول...

وبعدين


كل المظاهرات في العاصمة

والأقاليم في التوهان

وبعد كده يقولوا الشعب سلبي والشعب نيلة

مش لما الشعب يشوف حاجة الأول

محمد الطاهر

مجهود رائع

Duke يقول...

مجهود رائع

ربنا يوفق

hero يقول...

في سؤال محيرني ليه الامن بيضرب المتظاهرين ال طالعين عشان خاطر لبنان وفلسطين ، لما كانت المظاهرات عشان خاطر مصر كانت حجتهم ان المظاهرات فيها تكدير للامن العام طب حجتهم المرة دي إيه ؟

المظلومة يقول...

المظاهرة كانت في منتهى الروعة بس اللى مش قادر افهمة ان الحكومة عملت كدة علشان احنا وقفين مع الاشقاء بس ولكن ماذا يحدث لو كان التجمع اعتراض علي اي حاجة في النظام
حسبي الله ونعم الوكيل

محمد الطاهر يقول...

بحب مصر
تصدق فاتتك المظاهره كانت جيده جدا والعدد كان يوصل لألف

ساميه
شكرا على التصحيح

أحمد حسين
فعلا الأقاليم مش واخده حقها بس حاليا انا حاسس انها هتبدأ تشتغل لان سمعنا مظاهرات فى بوسعيد والزقازيق والمعريش يعنى فيه إتجاه للمحافظات

duke
شكرا جدا

hero
تكدير الأمن العربى

المظلومه
فعلا كان إيه اللى هيحصل

وله نهايه يقول...

ياقلم رصاص كويس ان فيه مظاهات في العاصمه دول كانوا ناموا خالص
وبعدين فيه في المحافظات وده لينك لدمنهورhttp://ahmed-melad.blogspot.com/
وبورسعيد برده واعتقل كل الغد هناك والتفاصيل في اللينك دهhttp://portelghad.blogspot.com
غير محافظات تانيه
بس الامن مش عايز حد يعمل مظاهره ليه هتعرفوا قريب جدا وجهه نظري في مدونتي

backtick يقول...

للاسف انا برضه سبيت كتير اليوم كده بسبب الأمن،و قلبت أخر اليوم ان كام واحد من بتوع الامن المركزي مسكوا فيه و بدؤا يلطشوا عشان زقيت ضابط لمل كان بيفعصونا

سامية يقول...

أنا مش فاهمة ازاي مظاهرة بالعدد ده والجزيرة متجيبش أي سيرة عنها بتاتا!

Mr.GEMYHOoOD يقول...

مش عارف ليه حسستنى ان

المظاهرة كانت مظاهرة فنانيين


يالا التورتة لصاحب التورتة

و يبقى للشعب الفتات

محمد الطاهر يقول...

وله نهايه
فعلا أعتقد إن كويس جدا إن لسه فى أى أنشطه فى الشارع لكن عموما انا حاسس إن فيه تغيير كبير جدا جاى لان كل شويه بسمع عن مظاهره فى محافظه جديده

backtick
فعلا حرقة الدم كانت جامده خاصه لما بدأو يضيقوا الكردون علينا

ساميه
فعلا مع إن الميديا كنت كتير جداجداجدا فى اليوم دا الا انى ماشوفتش الجزيره


Mr.GEMYHOoOD

بص يا عزيزى المظاهره مش مظاهرة فنانيين ولا حاجه إنما أكيد لما أنا هشوف خالد الصاوى أو فاروق الفيشاوى أسيبه وما أصوروش
خالد الصاوى أنا صورته لوحده حوالى 10 صور انت ماشوفتش عمل إيه إتخانق مع الأمن علشان المتظاهرين وقعد يزعق ويحوش عن المتظاهرين الضرب خالد الصاوى حسيت إنه واحد بينزل مظاهرات من حمسين سنه
الحكايه مش حكاية مظاهرة فنانيين إنما أنا حبيت أظهر قد إيه الناس دى محترمه

معلش والله طلب بس تفسر لى يعنى إيه :
يالا التورتة لصاحب التورتة

و يبقى للشعب الفتات


أصل مافهمتش تقصد بيها إيه وإيه علاقتها بالتدوينه

ahmed hussein يقول...

وله نهاية

انا بكلمك عن الشعب
مش اعضاء حزب الغد بدمنهور وبورسعيد

Mr.GEMYHOoOD يقول...

مفيش يا محمد خلاص

و لو عايز تفسير ليها

قصدت بيها ان هانفضل طول عمرنا نقدس الفنانيين

مع انهم كائنات عاديه جدا

و هايفضل الكل يتكلم حتى لو فنان عطس

بتبقى بطولة

ايه يعنى لما خالد الصاوى زعق

ماهو جيه حضنى لما رجعت من محاولة خطفى

و اعتبرته انسان بيدعم انسان

و ما كتبتش فى تدوينتى ان الراجل جيه حضنى و تضامن معايا

انا قصدى يا محمد ان المشاهير دايما بيبقى ليهم نصيب الاسد

و بننسى وقود المعركة الىل هما الشعب

انا عارف انك حد كويس و اكيد ما كنتش تقصدها و انت كتبتها بعفويه

و كان قصدك انك تقول يا جماعة الراجل ممثل اهو و نازل مظاهرات فوقوا
على العموم حص ل خير

اللى مزعلنى انك كنت واقف فى ظهرى

و حرنكش بيقولى محمد طاهر اهو تعالى اعرفك عليه

بس لقيت مالك و اسد بيضربوا جريت عليهم و لما رجعت كنت انت تهت فى الزحمة

مرة تانيه بقة نتعرف

Abed. Hamdan يقول...

وهذا هو العشم منكم يا أبطال مصر

..

فعلا..سحابة وبتعدي يا مصر..انشالله

الحوراني يقول...

أحي فيكم روح التضامن
و تغطية رائعة

محمد الطاهر يقول...

أحمد حسين
فعلا وله نهايه إتكلم عن الغد واحنا بنتكلم عن الشعب كله بس ممكن يكون بيدل مجرد مثال


جيمى هوود
الموضوع إن انا بحب خالد الصوى أساسا وكنت مهتم إنى أصوره تلقائيا حتى لما نشرت الصور إخترت أفضل صور ليه لانى أساسا بحبه
لدرجة إنى لما عرفت إن فيه حد بينضرب كنت بعيد عن المكان علشان بدور على خالد الصوى أتاريه هو كان معاك وانا ماكنتش اعرف مين اللى بينضرب وبعد كده عرفت إن اللى بينضرب واحد صاحب حرنكش

للأسف ما أخدش بالى وبعدين انا بقابل حرنكش كتير جدا ومعايا عالقهوه على طول ولما نتكلم عن التدوين ماكنش بيجيب سيرتك يلا خيرها فى غيرها إن شاء الله


Abed. Hamdan
فعلا دا عشمنا كلنا فى الحركه الوطنيه



الحوراني
شكرا جدا

الحكائين يقول...

المظاهرة كانت في نصها الأول غير منظمة و مكنتش مبسوط و كتير كانوا معايا كده

انما مع الوقت أصبح الناس أكثر حماسا يمكن عشان الأمن لما ضرب الناس

أحلى حاجة لما طلع خبر ضرب تل أبيب و كمان بثلاث صواريخ :) فكروني ب 67 "أحمد سعيد" يبعث من جديد! عار عليك يا فارس السليط! تلات صواريخ طب كنت خليها واحد

عموما الإحساس بعدم الجدوى لا يسيطر على فقط و لكن على الكثيرين

kalam 7or يقول...

مجهود عظييييييييييم يا محمد والى الامام دوما ان شاء الله تعالى

خالد كامل يقول...

ايه يا عم طاهر الله يا ناوار

entrümpelung wien يقول...

شكرا على الموضوع
entrümpelung
entrümpelung
entrümpelung wien