الخميس، فبراير 16، 2006

واحد صاحبى دماغه ناشفه أوى

الأسبوع ده لاقيت نفسى عايز أكتب شويه عن نفسى وعن
أصحابى فقلت أعرض آراء أصحابى فى السياسه
أقرب أصدقائى إسمه سيد وهذا الـ(سيد)تعبنى كما لم
يتعبنى أحد عندما أتناقش معه فى أحوال البلد أو قضيه سياسيه معينه أجده يتكلم بصوره
غريبه فهو مقتنع بأن مصر لن تصبح بلد متقدم إلا فى ظل نظام حكم فردى -يعنى حكم لفرد
واحد يضع خطط ويامر بتنفيذها- وصديقى هذا له أفكار على غرابتها لكنها تجذبك وتجعلك
تحب أن تناقشه فيها . لايقرأ كثير لكن وجهة نظره مزيج من الفاشيه والليبراليه
والنازيه خلطه متميزه يعجبنى مناقشتها معه لكنه مميز فى طريقة نقاشه وفى نهاية
نقاشه أخاف على نفسى منه حتى لا أقتنع بما يقول فأنا مقتنع بالليبراليه لأبعد
الحدود وهو مقتنع بأفكار من هنا وهناك وكون نظريات خاصه به فقط . المميز فى
حواراتنا مشاركت صديقين آخرين لنا - عزت والشاذلى - ويختلف عزت عن الشاذلى بإقتناعه
بمبدأ الحكم الفردى أما الشاذلى فتعجبه الليبراليه وفى نفس الوقت خائف من شبح
تعارضها مع الإسلام رغم محاولته القصوى للإقتناع بالليبراليه .يارب أقدر أعرض آراء أصدقائى فى التدوينات الجايه.

هناك 5 تعليقات:

Taher يقول...

ان متفق مع الاخ سيد بصراحة بنسبة مش كبيرة ممكن تقول
بس هو الاقرب للصواب مع شعب مصر
الشعب مش كله مهندسين يا بشمهندس

محمد الطاهر يقول...

طاهر فعلا مش كل الشعب مهندسين بس كل الشعب عنده دماغ يفكر بيها
وكمان عارف فين التمام واللى مش تمام
بس ربنا يبعد عنه الحزب الواطى اللاديمقراطى
وبعدين انا لسه هتكلم عن رأى كل واحد من الناس دى وهبدأ بسيد
شكرا جدا يا طاهر

قبطى يقول...

مش كل واحد عارف يعنى ايه فاشيه
ياريت توضح معنى الكلمه دى
وتجاوبنى ايه الفرق بين الفاشيه والدوله الدينيه

محمد الطاهر يقول...

الفاشيه يعنى حكم الفرد الواحد
الدوله الدينيه هى الدوله التى تكون لها مرجعيه اسلاميه او مسيحيه او يهوديه

toto يقول...

يواجد من هذا السيد الكثير والكثير فلا تشغل لهم بال
وايضا يوجد من المهندسين الكثير والكثير فلن نشغل لهم بال
ولكن توجد مصر وشعب مصر