الأحد، يونيو ٢٥، ٢٠٠٦

طالبة الصف الأول الثانوى تتهم بإهانة النظام مثل الشرقاوى والشاعر - إفتكاسه جديده

لو عندك أى مرض : القلب ، صرع ، بتحب مبارك ، اى حاجه حاول ما تقراش المقال دا لأنك هتتفقع من اللى بيحصلنا
العنوان حقيقى وليس للإستهلاك الإعلانى ... حدث بالفعل فى مصر إتهام طالبه بالصف الأول الثانوى بإهانة النظام المصرى وكان عقابها الرسوب وإعادة السنه . هذا ماشاهدته اليوم على قناة دريم برنامج العاشره مساء.
وأصل الحكايه أن طالبه بإحدى مدارس الدقهليه(شربين ) كتبت فى موضوع التعبير (إمتحان اللغه العربيه) عن تعمير الصحراء والمشكله ليست فى ذلك بل فيما كتبته بداخل الموضوع من رأيها الشخصى.
وعلى الرغم من أن ماكتبته ينم على سذاجه وطيبة طفله فى عمرها إلا ان رد فعل الإداره التعليميه كان مهزله لن يتوقف التاريخ عن الضحك عليها.
الطالبه آلاء كتبت أن الحكومه تضع عقبات روتينيه أمام الشباب طالبى إستصلاح الأراضى وكتبت أن بوش له عيون فى مصر هى التى تضع هذه العراقيل أمام الشباب المصرى بل و كتبت أيضا أن النظام المصرى مهين ، وعلى الرغم من السذاجه التى كانت تتحدث بها
مثل من فى سنها ، لكن المصيبه أن الإداره التعليميه (ولا مؤخذه سقطتها ) و ليت هذا فحسب بل المصيبه الأكبر هى تحويلها للتحقيق - تخيلوا طفله عندها 14 سنه يحقق معها .ما فات شيىء وما سأقوله شيىء آخر تخيلوا سيادة الأستاذ محمد الباز - المحقق الذى حقق معها - سألها عن ماذا؟؟ سألها بالضبط كما سألت النيابه محمد الشرقاوى أو كريم الشاعر سألها :(مين اللى وراكى؟؟؟؟) فعلا لقد جن النظام ، أيضا سألها :( إنتى منتميه لأى تنظيم سرى؟؟) وكان رد البنت المسكينه :( يعنى هكون جاسوسه على مصر؟؟؟) شيىء لا يصدقه عقل وإتهموها أيضا أنها سبت الرئيس بوش - طب ..... أم بوش - يعنى بقت أجدع من كريم الشاعر اللى سب مبارك بس .وفى النهايه أريد أن أعرفكم بشيىء جديد ربما لا تعرفونه : يوجد قانون خاص بالتعليم يقول أنه يمنع إهانة النظام خلال ورقة الإجابه - يعنى من الآخر زى قانون إهانة الريس وسلملى على الديمقراطيه يا نظام إبن كلب واطى

هناك ١٣ تعليقًا:

غير معرف يقول...

الأخ الكريم :محمد الطاهر

هذا إن دل على شئ فإنما يدل على أن النظام بدأت تهتز أركانه وتملكه الفزع حتى من طفلة عمرها 14 سنة

شجن يقول...

تسلم أيديك انا شوفت الحلقه وكنت مفروس جداً وكنت لسه هاكتب عنها بس الى انتا كتبته كافى أسمحلى أحط لينك للبوست ده عندى

Mo Eltaher يقول...

تصدقوا يا جماعه أنا اول مره ظاعرف قيمة التدوين دلوقتى انا كنت هنفجر وانا بنفرج على الحلقه
محمد الجرايحى
فعلا عنده فزع من حاجه غير نفسه

شجن
ربنا يخليك يا شجن وخد اى بوست زى ما انت عايز
شكرا

غير معرف يقول...

انا لو هاعلق بصراحة ماعنديش غير شر البلية ما يضحك.

صاحب البوابــة يقول...

حتى الطفلة الصعيرة لم يرحموا طفولتها البريئة

وفعلا هذا يثبت ان هذا النظام يتصدع من الداخل ويعلم من بداخله ان من بخارجه يغلي وسينفجر

Mo Eltaher يقول...

نجوان
شر البليه ان يحكمك الحزب الوطنى


صاحب البوابه
حسبن الله ونعم الوكيل

Egypt Camira يقول...

الواحد بعد كدة يحط عينه فى وسط راسه وهو بيكتب
...
فكرتونى بعادل أمام فى شاهد مشافش حاجة سيد بيه قشطه لا يكون قريبكوا ولا حاجة
....
:)))))))))))

Mo Eltaher يقول...

ايجيبت سينما
يا ريت على قد ان عينك تبقى فى راسك انما هنيجى فى يوم البنى الادم يكون عين وبعدين يطلعوا بقية اعضاء الجسم
------------------------------------
احمد حسين
فعلا كانت بتتكلم بتلقائيه شديده جدا
انك ايه بالظبط؟؟؟

Ahmad Gharib يقول...

هو دة الى اسمة الارهاب الفكرى

Mo Eltaher يقول...

DUKE
موفقك جدا وربنا يستر علينا الايام اللى جايه دى


a7la_ba3ta
طبعا امال ايه لازم يبلغ رؤساءه بس الراجل دا فعلا عايز الحرق يعنى هو لو كان عدى الورقه مش كنا خلصنا من الحوار دا كله وبعدين ماحدش هيعدل وراه ولا هيقرا وراه وكمان دا امتحانات نقل يعنى بتتصحح فى نفس المدرسه يعنى المدرسين ولا مؤخذه بيكونوا عارفين التلامذه

حسبنا الله ونعم الوكيل

غير معرف يقول...

يا محمد والله المفروض نشكر المدرس الخول ده لانه فصح كل الخولات زمياله في وزارة الخولنة و التعليم

غير معرف يقول...

السلام عليكم
دة حتي اسمه سؤال تعبييييييييير
وأنا شفت الحلقة دي وكنت حنفجررر من الغيظ
لأن البنت دي ادي و أنا مش شايفة إن هي عملت حاجة غلط لأنها قالت الحقيقة ومغيرتش حاجة ومسبتش حد
ومدام هم مش عايزين كدة في سؤال التعبير يبقي الأحسن إن هم يشيلوه مادام بنقول رأينا ..

غير معرف يقول...

ربنا ينتقم منهم ماهو مافيش فى ايدينا غير الدعاء طالما كانا خيفين وسكتين وكمان بندعى بصوت واطى (يعنى بينا وبين ربنا بس).